قصة "أفكار خاطئة"

قصة "أفكار خاطئة"
..
الجزء الأول..
.
.
.
.
.
.
.
.
.
.
.
.
.
.
.
.
.
.
.
سميتي يوسف وهادي القصة ديالي..
غانعاودليكم القصة من العام لي باقي نادم عليه ندم شديد.. بسبب التسرع والتهور ديالي.. كنت داك العام فالسيزيام وداك العام عندي الجهوي.. كنت طالق اللعب وماع مامسوق.. كان عندي واحد الظري صاحبي سميتو يونس.. ما كناش كانتفارقو.. كنا ضاربين الدنيا بركلة وكاع مامسوقين.. الغياب كنا محطمين فيه الأرقام القياسية.. وأنا فرحاان براسي .. وداكشي زعما كان عندي فخر.. وأي واحد كانبقا نفتاخر عليه.. وا أنا عندي غياب كثير وماماندخلش .. زعما راني درت شي إنجاز وأنا فالحقيقة خرجت غير على حياتي.. وما حسيت بالدقة تا فات الفوت.. المهم بقينا على داك الحال دازت الدورة الأولى وبسيف ضربنا 10 فالمعدل.. المهم فالدورة الثانية تغيرات الأمور قليلا.. يونس تعرف على واحد البنت وتصاحب معاها.. ولا كايعمر معاها بزااف.. وقليل فين يكون معايا.. المهم حسيت بالقنط.. قررت نبقى ندخل نقرا ومانبقاش نغيب ولكن ما قدرتش.. فكان الحل نشوف تا أنا شي بنت نتونس بها.. فعلا مشيت عند وحدة وتعرفت عليها ودخلنا فعلاقة.. كانت بنت ظريفة وكاتحاول ما أمكن تردني للطريق.. بقات الأمور ماشية على هاد النحو تا سالا العام وفالفترة دالبريباراسيون للجهوي عاد بدا ضميري يستفيق.. وحاولت ندير مجهود باش نجيب نقطة مزيانة.. بديت كانحاول نراجع.. واخا داكشي مافاهم فيه تا وزة.. غير كانحاول نغهم ما أمكن.. المهم وجدت داكشي لي كتب الله ومشيت ندوز الإمتحان.. حسيت براسي خدمت شويا.. المهم واحد النهار كالس فالدار وهو يونس بدا يعيط.. طليت عليه من السرجم وم
كالي راه خرجو النتائج.. كلتلو شنو درناا ؟؟
..
..
يتبع.....
.
.
.
.
.


..


..




الجزء الثاني
.
.
.
.
.
.
.
.
.
.
.
.
.
.
.
.
مشينا نشوفو النتيجة.. شديناها فالإدارة.. لقيت راسي جايب 10 فالمراقبة.. يعني أنني ناجح.. ولكن فالجهوي لقيت راسي جايب 4 للأسف.. بقاا فيا الحال.. ولكن سرعان ما كالي يونس صافي نسى ويالاه نتكيفو راه ضبرت فكماية نااضية.. صافي نسيت النتيجة وماتسوقتش.. مشينا تكيفنا ورجعت للدار مبوق.. وعطيتهم الورقة لي فيها النتيجة .. بداو كايغوتو.. وأنا مادايهاش فيهم .. عايش فعالم آخر ومبوق.. المهم داز داك الصيف خايب ومكفس.. النكير من عند الواليد ديما. وأنت داير وفاعل وتارك.. وقرانك جابو النقط وأنت كي الحمار.. تا جوج دروس ما قاد تحفظهم.. بقينا هاكداك تا قربات تسالي العطلة الواليد مرض واحد المرضة خايبة.. وهنا تغيراات حياني جدرياا.. وليت كانحس بالمسؤولبة.. وكانكول دابا إلى مات الوالد الله يستر.. شكون غايهز الدار.. وشكون غايصرف على مي وخوتي.. بزاف د الأسئلة طرحتها على نفسي.. الحمد لله الواليد تشافى .. وجا العام الجديد.. قررت أنني ندفع طلب باش نعاود السيزيام.. وجا يونس بالإضافة لبعض الأصدقاء وكالي شوف راه كانعرف ناس جابو 3 فالجهوي وزيرو راسهم وخداو الباك.. وفعلا هاد القضية كاينة وكانعرف واحد ولد جيرانا كانت عندو 3 فالجهوي وخدا الباك.. المهم لغيت القرار بأنني نعاود السيزيام.. مشيت الباك ودرت راسي فالقراية واجتاهدت.. وقدرت نجيب 13 فالمراقبة بمجهودي الخاص.. وعمري نقلت.. تحفزت وتخلق فيا واحد الأمل.. جات وقت الإمتحان د الباك الوطني.. مشيت كاندوز والحمد لله دوزت مزيان وجاوبت وكنت متأكد من إجاباتي وكان عندي تفاؤل كبير أنني غانجح.. دازت المدة وجات وقت النتائج....
..
..
يتبع....
.
.
.
.
.
..


..


الجزء الثالث
.
.
.
..
.
.
.
.
.
.
.
.
.
.
.
.
.
مشيت نشوف النتيجة وكنت كلي أمل أنني غانجح.. ولكن للأسف جاتني الإستدراكية.. طلعلي الدم ومابقيتش حامل راسي .. المهم دلزت واحد يوماين تهدنت.. وبقيت كانوجد للإستدراكية.. بقيت غير فالدار كانحفظ.. جات الإيتدراكية ومشيت ندوز.. دوزت مزيان.. وكنت متأكد من إجاباتي.. حيت أي مادة دوزتها ملي كانرجع للدار كاناخد الورقة وكانشوف الأجوبة لي كنت درت كانلقاهم صحااح.. تزاد عندي الأمل أنني ناجح بدون شك.. دوزت ودازت الأيام وخرجو النتائج.. ديك الساعة ماكانتش إمكانية أنك تشوف نقطك فالبريد الإلكتروني.. المهم طلعت لليسي وللأسف مانجحتش.. مرضت فنفسيتي بزااف وشحال وأنا فحالة خايبة.. وبما أن ماكانتش ديك القضية د البريد الإلكتروني فمايمكنش تعرف نقطك إلى سقطتي.. وإلى بغيتيهم خاصك طلع للأكاديمية وتدفع طلب والروينة الكحلة.. صافي استسلمت لأمر الواقع وعاودت العام.. وهاد المرة زيرت راسي مزيااان وضربت نقطة زوينة فالمراقبة.. وفهاد العام تزادت القضية ديال البريد الإلكتروني .. المهم دوزت عام مزيان.. وجا الإمتحان الوطني.. وجدتلوو مزياان ودوزت وكنت متأكد من أجوبتي.. سالا الإمتحان ودازت المدة وخبرونا أن النتائج خرجو فالبريد الإلكتروني.. مشيت كانجري للسيبير....
..
..
يتبع....
.
.
.
.
.
..


..


الجزء الأخير
.
.
.
.
.
.
.
.
.
.
.
.
.
.
.
.
مشيت للسيبير دخلت فتحت البريد الإلكتروني.. فإذا بي كانتصدم بما يحدث.. لقيت راسي ماناجحش.. تصدمت بزااف.. ماعرفت شنو غاندير.. رجعت كانشوف النقط ياكما غشوني فالتصحيح ولقيت أنني جبت نقط مزيانة.. وجمعت داكشي لفدقيتو مزيان ولكن النقطة د الجهوي كاتدخل فالحساب كاتقتل كولشي.. حيت هااابطة بزااف.. تقهرت وماعرفتش باش تبليت.. عاودت العام الثالث ونفس الشيء وقع هو أنني مانجحتش.. صافي تفصلت من القراية.. خرجت كاندور فالزناقي.. وتخلقات مشاكل كبيرة مع الدار.. ديما الواليد كايسب ويحشي الهضرة.. نوض تخدم نوض تخدم.. صافي بقيت فديك الحالة تال واحد خرجت نقلب على خدمة.. تما وليت كي المدلول أي واحد خدمت معاه كايحرث عليا كيما بغا.. وهنا ندمت بزاااف على الوقت لي ضيعتوو.. وندمت علاش نديها فهضرة الناس وعلاش مانعاودش السيزيام كون راه جبت نقطة زوينة فالجهوي ودابا راني نااجح وعندي الباك.. ومشات حياتي فداك الذل وكولشي محتاقرني...
..
..
النهاية..
..
العبرة : الجهوي عندو دور كبير.. وماتبقاوش تغرو بديك الهضرة إوا صافي راه غير 25% وراه غانزير فالمراقبة دالباك والوطني وغانعوضو.. لااا زيرو رايكم تضربوو نقطة زوينة فالجهوي باش تساعدكم وترفعلكم من النقطة..
شحال من واحد خرج عليه الجهوي.. وماحس بالدقة تا فات الفوت.. لهذا زيرو راسكم..
.
.
.
.
.
الكاتب