قصة "إرادة وعزيمة"

قصة "إرادة وعزيمة"
..
الجـــزء الأول..
.
.
.
.
.
.
.
.
.
.
.
.
أنا عادل وهادي هي القصة ديالي..
تزاديت فعائلة يمكن نكولو متوسطة .. ماكان خاصنا تا خير الحمد لله الواليد كان خدام مزيان .. عندي 2 د خوتي أنا الكبير فيهم الأول قريب ليا بيناتنا غير عاماين .. والثاني صغير عليا ب 10 سنوات .. المهم أنا ماعشتش داك الخنات فصغري هههه .. حيت ماكملتش عاماين تزاد خويا .. المهم عشنا طفولة زوينة .. واخا أنا وخويا كنا مختالفين .. أنا سكوتي وحشومي بزااف وهو العكس كيما كانكولو جبهة .. بالإضافة أنه كان كايجبد الصداع وديما كايجيو الناس يتبراو فالدار .. وشحال من مرة حشم الواليد مع ناس عزاز عليه .. واحد المرة كان ضرب واحد الدري بواحد الحديدة داوه كومة للسبيطار .. كون ما لطف الله كون راه مات .. وهاداك الولد باه صاحب الواليد الروح بالروح .. والحمد لله تفكات الجرة على خير .. المهم مشات الأمور هاكدا عادي .. تا وصلت للثامنة .. مافهمتش نهائيا كيف وقعلي حتى....
..
..
يتبع....
.
.
.
.


قصة "إرادة وعزيمة"
..
الجزء الثاني
.
.
.
.
.
.
.
.
.
.
وصلت للثامنة تغيرت بشكل غريب.. عشت واحد الإحساس غريب كانفجر ديك المراهقة غير عندي الداخل.. آه باقي سكوتي وماكانجبد صداع مع حتى واحد.. ولكن ماكانسكتش ملي كايجبدني شي واحد. كانبغي ديما نكون منعزل. ماكانحملش الناس .. كاتلقاني غير فالبلايص لي بعاد على بنادم .. عندي صاحبي واحد هو لي مرة مرة كانكلس معاه .. واحد النهار كنا فمادة الفرنسية واحد الأستادة بغات تديرني ضحكة باش تضحك التلامذ أنا تعصبت هزيت واحد الدفتر تما وضربتها بيه وسخفات .. تجمعو يشوفو مالها .. كولشي تعجب.. واايلي واش عادل خرج منو هادشي مايمكنش. من بعد دارو بيا تقرير ضربت فيها شهر بلا قراية.. هنا بدات المشاكل.. حيت الواليد كان خرج تقاعد خلاوليه جوج دريال .. صافي ولا تا هو أكثر عصبية وديما الصداع .. سالات شهر ورجعت للقراية ومامسوقش .. دوبلت فالثامنة ثلاث سنوات وقررت نخرج ولكن فالعام الثالث نجحت وتراجعت على فكرة الخروج .. ونجحت للكاطريام....
..
..
يتبع...
.
.
.


قصة "إرادة وعزيمة"
..
الجزء الثالث
.
.
.
.
.
.
.
.
.
وصلت للكاطريام زعما تبدل العقلية ونديها فقرايتي ساعة والو عاد كملت لي خاصني مابقيتش حامل راسي .. ماشي ضيعوني الصحاب ولا شي حاجة حيت أنا أصلا انا ما عندي صحاب .. أنا كيما كلتليكم غير بوحدي وماكانحملش الناس .. وأنا غير فصراع مع نفسي .. فهاد العام تعرفت على واحد البنت سميتها إيمان .. بغيتها بزااف .. كنت كانشوف فيها سعادتي ومعاها كاننسا همومي .. داز الكاطريام مانجحتش تزاد الصراع مع الواليد .. كرهت حياتي ... ولي زاد كرهني هو أن إيمان لقيتها كاتغدرني.. فكرت فحوايج خايبة .. تا جا واحد السيد من العائلة اقتارح عليا ندير التكوين .. وشجعني وكاليا أنه إلى ديت الدبلوم وجيت من الأوائل غاننتاقل للطيكنيسيان ومن تما للطيكنيسيان سبيسياليزي .. وغانولي بحال إلى عندي الباك .. فرحت بهاد الفكرة .. مشيت درت التكوين ديال الماء "بلومبي" دوزت مدة التكوين وفالأخير د السنة....
..
..
يتبع....
.
.
.
.


قصة "إرادة وعزيمة"
..
الجزء الرابع
.
.
.
.
.
.
.
.
.
.
.
.
فالأخير د السنة .. تفاجأت أنني جيت من بين الثلاثة الأوائل لي غايكون عندهم الحق يتسجلو فالطيكنيسيان .. ولكن للأسف مدينتي مافيهاش .. حيت فيها غير الكاليفيي .. وإلى بغيت نمشي للمدينة الأخرى خاصني ثاني مصروف والكرا والروينة الكحلة .. قررت نبقا ونخدم غا بداك الديبلوم ونبقا نقلب .. خدمت فالأول مع الإدارة د "لونيب" حيت توسطلي واحد السيد من بعد مشا داك السيد وهوما يصدروني .. صافي مابقيتش معاهم .. لقيت راسي بلا خدمة غير كالس عالة على الواليد .. ديما الصداع معاه .. ولي كايزيد يكرهني هو أن التعامل ديالو مع خويا مختلف تماما للتعامل معايا .. واحد المرة تصارعت معاه وتغاوتنا وبدا كايسب وطردني من الدار .. هزيت الصاك وخرجت .. ركبت الكار ومشيت للناظور عند ولد عمتي .. بقيت تما تا ضربوني الحيوط ورجعت للدار.. لقيت نفس الأمر النكير من عند الواليد والصداع ونفس الهضرة كاتعاود ديما .. من بعد....
..
..
يتبع.....
.
.
.


قصة "إرادة وعزيمة"
..
الجزء الخامس
.
.
.
.
.
.
.
.
.
.
.
من بعد عشت فأزمة نفسية وإكتئاب حاد .. ماكان عندي تا صديق نحكيلو همي .. كان عندي داك الصديق لي عاودتلكم عليه هو الوحيد لي عندي .. ولكن من داك الوقت د الكوليج مشا داها فحياتو وفقرايتو .. ماكانش كايعمر بزااف مع الدراري .. وتا المدينة ماكانش كايعمرها بزااف .. مافكرت فيه غير هو .. مشيت للدار عندو .. ولحسن حظي لقيتو فالدار .. خرج عندي كلتلو يالاه نتحركو .. مشا معايا مسكين وبقيت كانعاودلو القصة كاملة .. وغوت عليا ملي سمع فكرة الإنتحار .. وماهضرش معايا نهائيا بلطافة .. عاتبني بزااف .. كاليا أنت عندك ديبلوم آصاحبي راه تخدم فما أحسن من العسكر .. راه الخدمة خاصك أنت تقلب عليها ماتسناهاش تجيك .. ورالي الموقع ديال الوظيفة وكالي هنا غاتبقا تلقا لي كونكور .. بقيت كل مرة كانطل تما وكاندفع إلى بان شي كونكور .. تا صافي بديت كانفقد الأمل تا فداكشي .. ولكن صبرت وكلت صاحبي عندو الحق...
..
..
يتبع....
.
.
.


قصة "إرادة وعزيمة"
..
الجزء الأخير
.
.
.
.
.
.
.
.
.
.
.
.
.
.
بقيت كاندفع مدة عاماين وأنا من كونكور لكونكور .. واحد النهار واحد خينا جا عندي وكالي .. واش أنت مريض ولا كاتضحك على راسك .. الناس عندهم ديبلوم طيكنيسيان سبيسياليزي وما كايتقبلوش .. عاد أنت لي عندك تخربيقة د كاليفيي .. فعلا طيحلي المعنويات .. وبقيت غير كانفكر وكانشوف ثاني بلي الحياة ظلامت عليا .. بقيت يوماين على ديك الحال .. تال النهار الثالث وهو يصوني عليا صاحبي .. كالي أنه كاين واحد الكونكور طالبين الكفاءة .. ماشي نوع الديبلوم يعني كايجربوك فإمتحان تطبيقي .. مشيت دوزت ونجحت الحمد لله .. خدمت مع المكتب الوطني للماء الصالح للشرب .. كانت خدمتي جد ممتازة وكنت كانتفانى فالعمل ديالي وكانتقنو ومع المدة وليت كانترقا تا وليت تقني متخصص فالمكتب وزينت علاقتي بالواليد وتفاهمت معاه و وليت عايش بيخير الحمد لله..

..
..
النهـــاية
..
..
العبرة : بالإرادة والصبر قادرين نوصلو للهدف ديالنا شريطة ماتضيعش علاقتك بوالديك .. مهما غوت ودار أي حاجة أنت ماتردش عليه + الصداقة ماكاتجلاش فأنكم تلاقاو ديما الصداقة هي نهار توقف على صاحبك تلقاه باغيلك الخير وكايعاونك....
..
كيف جاتكم القصة وشنو الرسالة لي خديتو منها أنتوما ؟؟؟
.
.
..
.
.
الكاتب