قصة "المجرم وحبيبته الوفية"

قصة "المجرم وحبيبته الوفية"
..
الجزء الأول..
.
.
.
.
.
.
.
.
.
.
.
.
.
أيوب ولد تزاد فوسط شعبية عادية .. عاش طفولة عادية .. واخا كـان زايد نغزة .. ومن صغرو ماعزيزش عليه الظلم .. ديـما كايبغي يدافع على أي واحد مظلوم .. واحد النهار كـانو صغار .. وكـانو مشاركين فواحد التورنوا د الكرة ديال الأحياء .. فداك الوقت غاتكون أول مرة غايرتاكب شي جريمة إن صح التعبير ونسميوها هاكدا .. المهم كـانت الفرقة ديالهم تأهلات لنصف النهاية .. وكانو لاعبين ضد واحد الحي معروفين الدراري ديالو خايبين .. كايخلعو الفراقي لي كايتواجهو معاهم وكايكولولهم خليونا نغلبو ولا راه مايعجبكم حال من بعد الماطش .. المهم وصلو للماطش ضد الحي دأيوب .. الدراري صحاب أيوب خايفين .. فالفيستيير .. جا واحد من ديك الفرقة وكالهم آآه ها أنتوما عنداكم .. ناض أيوب كالو كيفاش مالكم وآآش دخلك للفيستيير ديالنا ؟؟ .. هنا ناض الصداع وجاي هذاك خينا باغي يشد أيوب .. هنا أيوب جعر أكثر.....
..
..
يتبع....

.

.

,


قصة "المجرم وحبيبته الوفية"
..
الجزء الثــاني..
.
.
.
.
.
.
.
.
.
.
.
.
.
..
أيوب دمو سخون وماكايبغيش يشوف شي واحد مظلوم فما بالك إلى كـان هو لي مظلوم .. فهاد اللحظة وبدوك الأعصـاب قلع واحد الحديدة كـانت فالحيط عبارة على علاقة د الحوايج .. هزها وهو يهزها وضرب هذاك خينا وطاح الأرض .. كولشي تخلع وناض الغوات .. كالو صافي السيد مات .. أيوب مشا هرب من تما .. وجات لومبيلونص هزات داك الدري الآخر للسبيطار .. ولحسن الحظ لقاو أن الضربة ما آآثراتش على الجمجمة ولا على الدماغ حيت ملي جا يضرب كانو شدوه الدراري وماجاتش الضربة بديك القوة .. المهم الجرحة دارتلها 7 دالغرزات .. وعائلة الطفل لي تضرب رفعو دعوى .. ولكن من بعد التحزار والروينة سحبوها.. مشـات الأيام وأيوب بقا بنفس الشخصية وديما محامي على ولاد حومتو .. فالإعدادي وفالسابعة بالضبط خرج من القراية ومابغاش يرجع .. ومابغا يدير لا تكوين لا والو .. وبقا غير هاكداك غير بريكولات .. أيوب واخا هاكداك عمرو فات والديه ملي خرج من القراية وهو كايبريكولي .. مرة يجيب القفة دالخضرة للدار .. مرة يجيب اللحم .. هادشي خلا باه .. واخا كولشي راضي عليه وكايدعي غير ربي يهديه ويبعد من الصداع .. بقات الأمور هاكدا .. تال دار أيوب 18 سنة....
..
..
يتبع.....
.
.
.

قصة "المجرم وحبيبته الوفية"
..
الجزء الثــالث..
.
.
.
.
.
.
.
.
.
.
.
.
.
وصل هاد الوقت وأيوب بدات كاتبانلو تا هو يشوف شي بنت تا هو تشارك معاه حياتو وتونسو .. بقا كايعصر حدا واحد الليسي .. وكـاع البنـات كايخافو منو يمكن حيت كتوصلهم الأخبار شخصيتو كيف دايرة .. واحد النهار بانتلو واحد البنت غادية بوحدها ومشا تابعها .. بدا كايهضر معها فالأول وكايشوف واش عارفة عليه شي حاجة ولا لا .. لقاها ماكاتعرف والو فهاد المدينة .. سولها ولقاها أنهم جداد فهاد المدينة وعاد سكنو فيها .. المهم تعرف عليها وماكاليها والو .. لقاها فشكاال وماخايفة ما والو .. وكاتهضر معاه عادي وبالعكس عاطياه قيمة .. هادشي خلاها تزيد تعجبو .. وتا هو مازادش كثر عليها كاليها سميتي أيوب وكالتلو أنا سمية .. وكالها متشرفين يالاه نخليك دابا بلا مانطول عليك وسمحيلي تبسلت عليك .. صافي ومشا بحالو .. الغد ليه ف 6 .. مشا عاصر تما حدا الليسي .. وماكانش عارف واش هي غاتخرج فداك الوقت ولا تكون خرجات من قبل ومشـات...
..
..
يتبع.....
.
.
.
.


قصة "المجرم وحبيبته الوفية"
..
الجزء الرابـــع..
.
.
.
.
.
.
.
.
.
.
.
.
.
المهم جا قبل من 6 بشي وقت قليل .. يالاه شد القنت وها هي خـارجة .. تعجب حيت الساعة مازالة ماوصلات.. مشا عندها..
أيوب : السلام عليكم ختي كيدايرة لاباس..
سمية : أهلا خويا .. لاباس ربي يخليك..
أيوب : ياك لاباس شفتك خارجة بكري..
سمية : لا لا غير كـان عندنا فرض وراه سالينا بكري .. وجيت خارجة هذا علاش..
أيوب : آآه مزيان . وكيف داز داكشي مزيان ؟؟
سمية : الحمد لله ربي يخليك.. وأنت واش كاتقرا هنا فهاد الليسي..
أيوب : بقات ساكت شويا وفكر أنه مايكدب على هاد البنت فختى حاجة ومن الأول يبني كولشي بالصراحة .. كالها أنا بصراحة خرجت ملي كنت فالسابعة .. ومن تما وأنا مرة نخدم مرة مانخدمش وكانديباني الوقت..
سمية : آآه مزيان .. بنادم مايبقاش كالس اوصافي ومايخليش والديه مكرفصين..
أيوب : ماكاتخليلي مانكول بهاد الهضرة .. راكي عارفة حر الوقت..
سمية : إوا شويا وصافي..
أيوب : بصراحة البارح ماكنت باغي نكولك والو وكلت نخلي تال اليوم ونكوليك..
سمية : وي تفضل..
أيوب : بصراحة أنا كنت ديما ماكانفكرش كاع فالبنات كنت كانتقاتل غير مع الوقت مرة خدام مرة كالس .. بنات هاد المدينة ماعنديش معهم حيت تفكيرهم أن الدري لي خارج من القراية عالة ومايصلاحش .. وأنا ملي شفتك وهضرت معاك شفتك فشكاال .. وتا دابا ملي صارحتك كـانت ردة فعلك زوينة.. مابغيتش نضيع بنت بحالك من يدي .. بغيتك تكوني ليا.. معاك باغي نبدا الحيـاة..
سمية : ممممم
أيوب شنو هو جوابك ؟؟؟
.
..
يتبع....
.
.
.
.


قصة "المجرم وحبيبته الوفية"
..
الجزء الخــامس..
.
.
.
.
.
.
.
.
.
.
.
.
.
.
.
سمية : والله ماعرفت مانكوليك .. المهم خليني نفكر ونجاوبك من بعد..
أيوب : باغي يبينلها أنه فعلا ماعينوش فالتفلية .. هذا علاش ماهضرلها لا على نمرة لا والو.. كاليها شحال خاصك دالوقت كـاع..
سمية : أكيد غاتكول نفس الهضرة دكاع البنات هي ماعرفتش .. حيت ماكايكونوش بالصبط باغيين يفكرو غير جملة كاتكال أوصافي ومنهم لي فديك الفترة كاتمشي تسول..
أيوب : علاش خارجة غدا فالعشية ؟؟
سمية : غدا عندي العشية خاوية
أيوب : والنهار الآخر ؟؟
سمية : خارجة مع 4..
أيوب : نتشاوفو فداك الوقت ؟؟
سمية : واخا صافي..
مشاا أيوب بحالو .. ودازت ديك يوماين وف4 مشا وجد ؤاسو ومشا لحدا الليسي.. بقا كايتسنى شويا وها هي جات خارجة..
أيوب : السلام سمية لاباس كيدايرة .. وكيدايرة مع القراية ؟؟
سمية : الحمد لله كولشي مزيان..
أيوب : إوا بلا مانطولو الهضرة .. كوليلي شنو هو قرارك فالموضوع لي هضرت معاك فيه ؟؟؟
..
..
يتبع.....
.
.
.


قصة "المجرم وحبيبته الوفية"
..
الجزء الســـادس..
.
.
.
.
.
.
.
.
.
.
.
.
.
.
.
سمية : واخا أنا موافقة .. ونتمنى تكون عند حسن الظن..
أيوب : أكيد غادي نكون عند حسن الظن أصلا دابا ماعندي غير أنت ووالديا..
سمية : ربي يخليهمليك..
أيوب : آآمين وحتى أنت ربي يخليلك والديك..
سمية : أيوب دابا خاصني انتعطلش على الدار راه عندنا الضياف وخاصني نوصل دابا سمحليا وماديرهاش مني قلة الصواب ..
أيوب : آآه ماشي مشكل .. المهم هاي النمرة وبالليل إلى ساليتي وسولي فيا وأنا نعيط ليك..
سمية خدات النمرة ومشات .. وفالليل هضرات معاه وبداو كايتعارفو أكثر.. دازت شي أيام قليلة ودارو وقت يتلاقاو فيه .. هنا بداو كايهضرو وكايعاودلها على حياتو كيفاش هي .. وكالتلو أيوب خاصك ضبر على خدمة تستمر فيها ديما وماتبقاش غير فالبريكولات.. وكالتلو باش نكون معك صريحة أنا ماكانكولكش هادشي لشي حاجة .. أنا غير على ماعاودتيلي وبغيتك تهز واليديك ..
أيوب : آآه عندك الحق..
المهم رجع بالليل أيوب وبدا كايفكر فهضرة سمية وشاف كيفاش غايلقا خدمة مستقرة وهو لا ديبلوم لا تكوين لا والو...
..
..
يتبع.....
.
.
.
.


قصة "المجرم وحبيبته الوفيه"
..
الجزء السابع..
.
.
.
.
.
.
.
.
.
.
.
أيوب تخبل عقلو وما عرف مايدير، فالليل إتاصل بسمية فالتيليفون..
أيوب : آلو سمية كيدايرة لاباس عليك وكيف داز نهارك ؟؟
سمية : إوا غير فالقراية راك عارف وأنت ؟؟
أيوب : اليوما مشيت مع ختي الصغيرة للمدرسة حيت كانت مرضات السيمانة لي فاتت ومامشاتش سيمانا كاملة تقرا وخاص شي حد يمشي معاها باش يبرر الغياب، ومشيت أنا..
سمية : آه مزيان، تهلا فيها.. إوا آشنو درتي فقضية الخدمة ؟؟..
أيوب : بصراحة ومانخبيش عليك عقلي مخبل وماعرفت ماندير، حيت راه صارحتك بكولشي أنا لا ديبلوم لا تكوين لا والو، مستحيل نلقا خدمة مستقرة من غير البريكولات..
سمية : آجي دابا المدينة هنا غادية وكاتطور وكايزيدو المشاريع والسكن.. علاش ماضبرش مع شي واحد وتخدم فالبناء، هو ماغايطلبلك لا تكوين لا والو، شويا دالقوة الجسدية وصافي..
أيوب : والله تا عندك الصح هادي مافكرتش فيها، لهلا يخطيك عليا، حيت أصلا البناء هنا خدام فيه غير البراني، ولاد البلاد باغيينها باردة،
سمية : توكل على الله وربي معاك..
النهار الآخر خرج أيوب لواحد الشانطي وسول الشاف ديال داك الشانطي
..
..
يتبع...
.
.
.


قصة "المجرم وحبيبته الوفية"
..
الجزء الثــامن..
.
.
.
.
.
.
.
.
.
.
.
.
.
.
.
مشـا كايسول تا ضبر خدمة فواحد الشانطي .. المهم بدا الخدمة واخا ماعارف والو .. أصلا ولاد ديك المدينة كـابرين كاملين فالبريكولات العاديين .. أما تمارة والبني صعيب بزااف .. وماشي تا قضية كاع صعيب .. هما كايشوفوه شي حرفة ناقصة ومحتاقرينها .. المهم لحسن حظو طاح مع واحد المعلم صابر معاه وكايوريه بشويا بشويا .. حيت كـان غير خاصو يتعلم الأمور دهاد الخدمة .. أما القوة الجسدية فكان كايتوفر عليها .. كايطلع الخناشي دالسيمة والرملة للفوق ومتحمل الثقل.. دازت ديك الأيام بدا كايولف .. دار هو وسمية يتلاقاو واحد العشية.. تلاقاو وبقاو كالسين كايهضرو..
سمية : إوا فين واصل مع الخدمة ولفتي شويا.. ؟؟
أيوب : بيخير هاد الساعة صعيب شويا داك الأول ولكن دابا نولف مزيان..
سمية : إوا فيها خير أنا ديما بجنبك ماتخافش..
أيوب : لهلا يخطيك عليا.. عرفتي والله من نهار عرفتك تبدلات النظرة ديالي لهاد الحياة كنت محتاقر نفسي وبلي ماقادر ندير والو .. مابقيتش قادر نتخيل راسي نرجع لديك الحياة لي كنت فيها .. وماباغيش أنت نخسرك بمرة..
سمية : إن شاء الله ربي كبير والله يجيبنا فالصواب..
أيوب : سمية !!
سمية : نعم..
أيوب : كانبغيك...
..
..
يتبع.....
.
.
.
.


قصة "المجرم وحبيبته الوفية"
..
الجزء التـــاسع..
.
.
.
.
.
.
.
.
.
.
.
.
.
.
.
سمية بقات ساكتة وحدرات راسها..
أيوب : عرفتي ماعمري كنت كانظن غادي نعيش بحال هاد الحياة .. تا واحد ماكان كايفهمني ولا كايحس بيا .. كولشي كايشوفني داك الشاب الضائع لي كايخلع ولا ماعرفت .. تا واحد ماكان كايعرف أن أيوب فوسط منو واحد الإنسان لي قلبو أبيض .. أنا هاكدا داير دمي سخون ومانسمحش فشرفي وشرف الناس لي قراب ليا .. أنت بوحدك لي فهمتيني .. أنت لي قدرتي تحسي بيا .. أنت الوحيدة لي قدرتي تخرجي داك أيوب الآخر لي قلبو أبيض .. ومن هنا كانواعدك ماعمري غادي نخليك ولا غادي نخونك .. ومابقا قد مافات وغانكون راسي ونجي لداركم .. أنت بنت الناس مستحيل نغدرك شي نهار..
سمية : والدموع فعينيها.. أيوب أنا ماكايمنيش ماضيك ولا كيف كنتي أنا كايهمني أنني إكتاشفت فيك واحد الشخصية لي باغية توصل لهدفها .. وإن شاء الله غاتوصل..
دازت العشية ومشات سمية لدارهم .. وأيوب مشا خرج يضرب دورة فالمدينة حيت كـان نهار الأحد وباغي يتقدا شي مسائل خاصين الدار ويدي التقدية ديال السيمانا .. المهم داكشي لي كـان..
بالليل تكا أيوب باش ينعس حيت غدا صابح خدام .. وفديك اللحظة جاه ميساج...
..
..
يتبع....
.
.
.
.


قصة "المجرم وحبيبته الوفية"
..
الجزء العــاشر..
.
.
.
.
.
.
.
.
.
.
.
.
.
.
.
سمية سيفطاتلو ميساج كالتلو كـانبغيك .. ماتيقش أيوب راسو وبغا يطير بالفرحة.. أيوب هز الطيليفون وعيطلها..
أيوب : آلو .. ماتصوريش قداش راني فرحان..
سمية : حتى أنا وبزااف .. ونتمنى هادشي يدوم لديما..
أيوب : أنا عند وعدي .. وعطيتك وعد الرجال..
سمية : آآه أنا ثايقة فيك .. يالاه دابا سير تنعس راك خدام غدا وتا أنا راه داخلة فال8..
أيوب : واخا تهلاي فراسك .. وتصبحي على خير .. كنبغيك..
صبح الصباح ومشا أيوب للخدمة وبدا خدام على راسو .. وهو يكولو المعلم أيوب تبارك الله عليك.. ها أنت دابا وليتي أحسن من النهاار الأول أو بزااف .. كانواعدك إلى بقيتي هاكدا .. أي خدمة شديتها أنت تخدم معايا ومانعيط لتا واحد..
أيوب : الله يجيبنا فالصواب المعلم..
داز النهار ورجع أيوب فرحان حيت بدا كايشوف أن الحياة بدات كاتضحكلو.. رجع دوش وبدل حوايجو .. وف6 عيط لسمية فالتيليفون وبدا كايعاودلها شنو وقع فداك النهار وفرحات.. المهم مشا خرج بالعشية.. وملي جـا راج داخل للحومة .. هنا غاتقلب حيـاة أيوب ثـاني والفرحة تولي تعاسة....
..
..
يتبع.....
.
.
.
.


قصة "المجرم وحبيبته الوفية"
..
الجزء الحـادي عشر..
.
.
.
.
.
.
.
.
.
.
.
.
.
.
.
جا داخل للحومة وهو يسمع واحد الجوج كايهضرو فيه وهو يتخبا وبدا كايسمع .. هداك كـان كايكول لصاحبو .. واش تعرف آآصاحبي أيوب لي كـان كايعيق علينا .. والوعورية والعياقة .. ولا تا هو فالحب وديما فالجردة مع واحد خيتي .. والحب والتمسكين هههه .. وأصلا هاديك خيتنا داك الليسي كـامل داير فيها مابغا وغير كلبة..
فهاد اللحظة أيوب صافي خرج من تما وغوت واحد التغويتة زعزع القنت واحد فدوك الدراري سلت وبقا الآخر بين يد أيوب .. وهو يكولو واش آآ ميخي أنت تحل فمك عليا..
ولد الحومة : وا طلق البرهوش داير فيها واعر وأنت غير مبنت وعاطيها الحب والعاطفة..
أيوب : يحرق جد بوك ماتزيدش تعصبني..
ولد الحومة : واا شكون تكون كاع..
أيوب جبد موس من جيبو وهو يرشكو فهداك خينا وخلاه طايح غارق فدماياتو .. وفلحظة ناضت الروينة فالحومة..
جات لومبيلونص وجاو البوليس تشد أيوب وهاداك مشا للسبيطار فحالة خطر.. ترفعات الدعوى .. وأيوب واقف قدام القاضي .. من بعد ما نجا هذاك من الموت ومن بعد عدة جلسات جـات الجلسة ديال الإعلان عن الحكم...
..
..
يتبع....
.
.
.
.


قصة "المجرم وحبيبته الوفية"
..
الجزء الثــاني عشر..
.
.
.
.
.
.
.
.
.
.
.
.
.
.
.
حكم القاضي على أيوب ب 5 سنوات .. نزل الحكم بحال الصاعقة على عائلة أيوب وعلى سمية لي كـانت حاضرة فالجلسة .. تا واحد ماكان منتظر هاد اللحظة تا فرحو والديه بلي دار عقلو ولكن بنادم ماخلاهش يدير عقلو.. بنادم عندنا خايب مايخليكش تمشي فطريق مزيان .. المهم مينطوه وداوه للحبس .. أيوب الداخل ديالو كايتحرق فالداخل ديالو .. مشا للحبس أول مرة يدخل لهاد العالم .. كولشي كايبغي يفرض راسو .. أيوب بقوة شخصيتو من نهار الأول بينلهم الوجه الخايب ديالو باش حتى واحد مايقرب منو .. مشـات الأيام .. وفالزيارة كـانت الأم ديالو كاتجي نزورو وكاتجيب معاها سمية .. كاتدير المستحيل وتحزر باش يخليوها تدخلها تشوفو .. مشات هاكداك الأيام دازت 3 سنوات .. تما فواحد الزيارة كلس أيوب مع سمية .. وشافها مقلقة وماشي نورمال .. كاليها سمية مـالط شنو بيك .. ماتخبيش عليا ؟؟
..
..
يتبع.....
.
.
.


قصة "المجرم وحبيبته الوفية"
..
الجزء الثــالث عشر..
.
.
.
.
.
.
.
.
.
.
.
.
.
.
.
سمية : أيوب بابا جاه الإنتقال فخدمتو وغانمشيو من هاد المدينة..
أيوب : كيــفاش ؟؟
سمية : كيف كاتسمع آآ أيوب .. ماعارفة ماندير نزل عليا هاد الخبر كيف الصاعقة..
أيوب : أووووف يا ربي شنو درت باش نتجازا بهادشي..
سمية : ربي كبير .. كون متأكد غانتسنـاك آآ أيوب .. والإتصال غايبقا بيني وبين خالتي وهي تبقا تجيبلك الأخبار..
أيوب : آآودي.. بفففف
سمية بقات كاتبكي وسالات الزيارة وخرجات وهي كاتبكي..
دازت على أيوب ديك الفترة خـايبة .. كـانت كاتخفف عليه غير ديك الخبار لي كاتجيبلو ميمتو أن سمية إتاصلات بها .. المهم دازت ديك المدة كـاملة وقبل 5 شهور باش يخرج أيوب .. تقطعات خبار سمية بمرة .. وكالتلو أمو أنها مابقاتش كاتاصل بها...
..
..
يتبع.....
.
.
.


قصة "المجرم وحبيبته الوفية"
..
الجزء الأخيــــر..
.
.
.
.
.
.
.
.
.
.
.
.
.
.
.
بدا أيوب كايتسنا دابا تسول دابا تسول .. تا صافي بدا كايفقد الأمل.. كل مرة جات أمو تزورو كايسولها .. أمو كاتحرق وعارفة ولدها أنها مقهور ماكاتقدش تجاوبو وكاتكولو غير مازال مابان تا خبار ولكن صبر آولدي ربي كبير .. أيوب غير مصدوم كيفاش فآآخر أيامو ولا مجرم .. وتا البنت لي كانت هي أمالو فهاد الحياة مشات وماوفاتش بوعدها .. سالات المدة وجا خارج أيوب من الحبس عائلتو كاتسناه .. وماصدقش شكون لي مع عائلتو .. لقا سمية كاتسناه .. ماتيقش وبدون شعور مشا عندها وعنقها .. وكـانت هادي أول مرة يعنقها طيلة علاقتهم.. والديه من بعد ما سلمو عليه سبقو وخلاوه مع سمية..
سمية : أيوب كانبغيك .. واعدتك وكلتليك عمري نخليك ووعدي وفيت بيه كما أنت واعدتيني فأول مرة فين كلتيلي كلمة كانبغيك .. وسمحلي إلى تقطعات خباري .. مشاتلي النمرة .. ومشالي كولشي وماعرفت ماندير ..
أيوب : كانبغيك آآ سمية وتا أنا عمري نخليك .. وهاد الفترة كاملة تعلمت بزااف دالحوايج غانتبدل بمرة ومانبقاش نديها فهضرة الناس..
سمية : ربي يعاونك وأنا ديما معاك.. أيوب أنا خاصني دابا نرجع باش نوصل للمدينة لي أنا فيها بكري .. على ودك جيت حين مانسيتش هاد النهار من بالي ومانسيتش تاريخ خروجك.. هاك ها نمرتي الجديدة.. ملي توصل للدار وتكلس مع والديك وترتاح وإتاصل بيا ونكملو الهضرة..
مشـات سمية .. ومشا أيوب للدار .. من بعد أيام قليلة ماقدش أيوب يبقا كـالس .. خرج كايقلب على خدمة .. حيت باغي يجيب سمية تكون مراتو فأقرب وقت .. تفكر هضرة سمية وتفكر البناء .. وداكشي لي دار مشا كايقلب فالشانطيات تا لصق مع واحد الشركة دالبناء .. هي كاتكلف بالشانطيات .. وولا خدام .. وهنا دا والديه لدارهم لسمية وخطبها .. ومن بعد فترة قصير تزوجو وجابها للدار .. وسكنات مع والديه وكانت متفاهمة معاهم كـانت بحال بنتهم وعايشة فرحانة .. وأيوب كذلك كـانت فرحتو ماكاتصورش بهاد النهاية السعيدة.. وحمد الله .. حيت ربي ماكايسد باب تا كايفتح بيبــان...
..
..
النهـــاية..
..
..
من ورا هاد القصة كاينين بزاااف د الميساجات .. أولهم الوفاء لي قلااال فهاد الوقت .. ثـانيا الإنسـان مايبقاش يتسرع حيت يقدر يرتاكب أخطاؤ تدمرلو حياتو .. بالإضافة لأن الرزق بيد الله .. ومهما طال الليل كايطلع النهــار...
وعدة عبر نخليكم أنتوما تكتاشفوها...
وتحيـاتي لأي واحد كـان كايشجع هاد العبد الضعيف باش يكمل القصة <3
.
.
.
.
.
الكـــاتب