فأي جولة درتها فالصفحة الرئيسية د الفايسبوك ضروري نلقا سطاتيات من هاد النوع .. "أمي إحبك" .. لا توجد إمرأة تستحق حبي من غيرك أمي" أمي اجمل إمرأة في الكون" ...
يا إخوان رتاقيو بعقولكم شويا .. ماشي غير لي قمعاتو شي بنت .. ولا مابغاتش تصاحب معاه .. ولا عايش الحرمان والمعاناة من جيهة الحب يجي للفايسبوك و يونس راسو بدوك السطاتيات ديال حب الأم .. يا أخي إلى عزيزة عليك أمك سير عندها وبوسلها راسها .. وشوف آآش خاصها و هضر معاها وتناقش معاها و عبر على حبك ليها .. كاتبغي أمك ؟؟ هادي وقت البرد ياك سير شري سروال دالصوفة كايدير غا 50 درهم وجيبولها كاضو وتفرحها .. وخليو عليكم الفايسبوك .. راه غير حنا بعاد عليها وكانشوفو دوك السطاتيات و كانكرهو حيت توحشناها وبعيدة علينا .. فما بالك بواحد عندو أمو فنفس المدينة ولكن ما قادرش يشوفها .. حيت بينو وبينها بلاكة مكتوب فيها "توفيت يوم فلان فلاني من السنة الفلانية" .. راه غادي يشوف دوك السطاتيات غادي يبقا يبكي ويكره هاد الحياة..
إرتقوا بعقولكم..
.
.
.
الكاتب..
ليست هناك تعليقات :
إرسال تعليق