للنقاش..
الطلاق المبكر.. علاش ولينا كانشوفو حالات كثيرة فالزواج ماكاتجحش.. كاين البنت لي كاتزوج كاتمشي لدار راجلها.. فجأة بعد أيام قليلة ها هوما فدار الطلاق.. واخا كاتلقا بعض الحالات لي كايكون مسكنها بوحدها وبعيد على والديه..
المسألة كولها مرتبطة بمرحلة ما قبل الزواج.. كاين لي كايكونو معارفين من قبل وكاينين لي كايتعارفو ففترة الخطوبة بغض النظر على مدتها.. هنا كايبقااو عايشين فالأحلام الوردية.. الرجل كايكولها غانوفرليك كذا وغانعيشك فجنة.. ولي بغيتيها تلقايها.. وأنت تولي كولشي بالنسبة ليا ووقتي كامل ليك..... البنت ثاني تكولو حتى أنا ماتلقا معايا حتى مشكل نعيشك كما تمنيتي وأنا نديها غي فداري وفيك وفولادي ملي نولدوهم.....
ملي كايتزوجو وكايتجمعو فدار وحدة كايتصدمو بالواقع المر.. وكاتبدا ديك الوعود تتبخر وديك الحياة الوردية لي كانت فالخيال ولات وااقع أسود.. الدري كايتصدم أن ماشي هاكا كانت البنت كاتواعدو.. والبنت كاتصدم أن ماشي هاكا الولد كان كايواعدها.. صافي كاتكشف الحقيقة وكايبدااو المشاكل وكايتطوروو حتى كاتوصل لمرحلة الطلاق..
هنا من الأول خاص كولشي يبين حقيقتو.. شوفي آبنت الناس ها شنو كاين ها شنو كاين.. راه غانسكنو مع الدار .. أو إلى كان غايسكنو بوحدهم يكولها راه ها باش نقدر نواعدك خدمتي ها ظروفها.... والبنت كذلك تكشف حقيقتها من الأول أنا ها كيف كانفكر.. كانبغي نخرج كانبغي نفوج ماتحبسنيش فالدار.....
باش من الأول ماتفاهموش يتفارقو قبل مايديرو فالطاجين مايتحرق..
..
والله يسهل على الجميع.. ويلاقيكم بلي تمنات خاطركم..
..
..
أراؤكم ؟؟
ليست هناك تعليقات :
إرسال تعليق