..
الجــــزء الأول
..
بين 1939 و 1945 كانت واحد الحرب فالعالم تسمات الحرب العالمية الثانية .. إوا هاد الحرب ماجاتش غير هاكاك راه كان عندها أسباب وتقسمات لمراحل وفالاخر ضروري من نتائج.. إذن شنا هي هاد الأسباب وهاد المراحل والنتائج كيف كانت ؟؟؟ ..
آآسيادنا الحرب العالمية كانت عندها بزاف د الأسباب .. نبداو بالأسباب غير المباشرة منها نتائج الحرب العالمية الأولى حيت كانت الشروط واعرة على ألمانيا هاد الشروط هي ديال معاهدة فرساي هاد الشروط أثرات على ألمانيا ماديا وإقتصاديا وحتى عسكريا .. والأزمة الإقتصادية ديال 1929 تا هي كان عندها سبب فهاد الحرب .. أما السبب المباشر علاش طالع الفيلم هو التوسعات ديال الأنظمة الفاشية والتحالف ديالها ألمانيا تحالفات مع إيطاليا زعما بمعنى آآخر ولات معاها فالفرقة وحطمو جبهة ستريسا وهاد جبهة ستريسا هي واحد الفرقة ماكاتحملش ألمانيا وكاتكون من من فرنسا وإيطاليا وبريطانا ((هاد الألمان طولانطيين شراو المعرفة مع الطاليان)) ومن بين التوسعات لي دارتها هاد الأنظمة هي أن اليابان زربات للصين على واحد المنطقة سميتها منشوريا وإيطاليا مشات ضربات القاعة فإيثيوبيا وألمانيا كاع الدول لي حداها بدات كاتوسع فيهم .. ((هاد الألمان مجهدييين آآخوتي)) .. وزربات على كاع الأراضي البولونية..
إوا آآسيادنا بدات الحرب وهاد الحرب كانت تقسمات لجوج مراحل الأولى كانت من 1939 تال 1942 و المرحلة الثانية كانت بين 1942 تا سالات الحرب ف 1945 .. نبداو بالمرحلة الأولى و لي كانت بدايتها أن ألمانيا بدا كاتوسع ولي لقاتو قدامها كاتزرب عليه .. سيطرات على أوروبا الشرقية ودخلات شويا فأراضي الإتحاد السوفياتي و سيطرات علة الدول الإسكندنافية .. والابان لهيه تا هي دايرة خدمتها وسيطرات على دول جنوب شرق آآسيا .. وقصفات القاعدة الأمريكية لي سميتها بيرل هاربور ((وأصلا الخوت هاد ميريكان غير باغيا دخل شوكتها وصافي)) .. القضية فيها شي مصلحة ..
..
يتبع....
.
.
.
. الحرب العالمية الثانية
..
الجــــزء الثـــاني
..
..
.. المهم ما علينا .. من بعد 1942 بدات الأمور كاتقلب و ولاو الحلفاء كاينتاصرو .. ((وا القضية دخلات فيها ميريكان)) .. المهم أول الإنتصارات كانت هي أن الجيش الأحمر انتاصر فمعركة ستالينغراد .. وطردات ألمانيا من أراضيها .. ومن بعد سيطرو هاد الإتحاد السوفياتي سيطرو على أوروبا الشرقية .. و ف1945 بالضبط فالبداية د هاد العام ناضت قوات الحلفاء بغاو يزربو على ألمانيا ويحتلوها .. وهادشي لي كان والجيش الألماني استسلم ف ماي 1945 .. موراها مشا الجيش الأمريكي ينوضها مع اليابان وطلقو عليهم جوج قنابل على جوج مدن لي هوما هيروشيما وناكازاكي .. وهادشي كان ف غشت 1945 .. وهادشي كان السبب فنهاية الحرب ...
إوا آآخوتي ملي تسالات الحرب خلات نتائج كبيرة .. فإقتصاديا تضررات جميع الدول وجاها عجز مالي هادشي لي خلاها تمشي تبقا تسلف من برا و تزيد فسعر الضرائب .. ولكن ميريكان ما وقعلها والو حيت ما كانت فبلادها تا حرب ((كلتليكوم هاد ميريكان راه كاتخدم القوالب)) .. آآسيدي هاد ميريكان قدمات مساعدات للدول الأوربية في إطار ما يسمى مشروع مارشال .. أما الخسائر البشرية فكانت كبيرة بزاف وصلات لشي 50 مليون قتيل .. بلا مانحسبو المعطوبين والأرامل واليتامى .. ..
إوا هادشي لي كان فالحرب العالمية الثانية ,, وإلى جينا نشوفو ما حققات تا نتيجة إيجابية من غير الدمار وتزايد الفقر والبطالة والمجاعة بالخصوص فإفريقيا..
.
.
.
.
الكــاتب
ليست هناك تعليقات :
إرسال تعليق