"كما تدين تدان"

"كما تدين تدان"
..
..
الجـــزء الأول..
.
.
.
.
.
.
.
.
.
.
.
.
.
.
.
.
أنا أيوب وبغيت نعاودليكم القصة ديالي..
خرجت من القراية من السيزيام ودرت التكوين .. واخا كنت ساكن فمدينة فيها 2 إيسطيات ولكن كان خاصني شي حاجة باش ندير التكوين فشي مدينة أخرى.. هذا علاش مشيت فآخر العام ليسطيا وسيفط صاحبي للأخرى وسولت على كاع لي برونش باش نشوف البرونش لي ماكايناش باش نديرها سبة لصحاب الدار .. لقيت البرونش لي ماكايناش.. ومشيت للدار كلتهاليهم .. كلتليهم أن ديك البرونش هي فاش نقدر نعطي وهي لي كانشوف فيها مستقبلي.. والديا شافو تا عياو وماخسروليش خاطري.. ووافقو .. وفالمدينة لي بغيت نمشيلها كاينة خالتي يعني غانسكن عندها .. أنا ماعجباتنيش هاد القضية .. بديت القراية وتما كانفكر فشي قضية باش مانبقاش ساكن عند خالتي ونكون حر.. بقيت كانفكر .. وأنا ندير السبة ببنات خالتي .. واتاصلت بالدار كلتليهم مايمكنش نبقا ساكن هنا .. كالولي علاش .. كلتليهم خالتي عندها غير البنات وأنا هنا بوحدي وكانقنط .. خاصني مع من نكون ونقراو .. وراه كاينين واحد 3 دولاد البلاد دايرين لافاك هنا وكاريين .. علاش لي مانمشي نكري معاهم راه كاريين واحد البيت صغير.. شنو بانليك الواليد ؟؟...
..
..
يتبع......
.
.
.
.
.


"كما تدين تدان"
..
..
الجــزء الثــاني..
.
.
.
.
.
.
.
.
.
.
.
.
.
.
.
الواليد مالقا مايكول وكالي واخا صافي.. وبدا كايوصي أنني نسول على الكرا شحال كاريين ولا يمشيو يكونو كاريين بثمن أقل ويبغيو يقولبوني... صافي سكنت مع الدراري .. مول الدار لي كاريلهم البيت ساكن فالدار الفوق وكان عاطيهم الكود دالويفي والكونيكسيون موجودة .. أنا ماكانش عندي بيسي والتيليفون عندي ماشي ويفي.. عادي وصافي واخا كانخدم فيه الزيرو فايسبوك .. المهم الدراري بجوج عندهم بيسيات خداوهم بفلوس لابورس .. المهم واحد الليلة كانو بجوج مكونيكطيين .. وأنا بقيت كاندابز مع الزيرو فايسبوك .. ولقيت واحد البنت آكسيبطاتني حيت قبل مانجي آجوطيت بزاف دالبنات من هاد المدينة (ناوي على خزيت) .. المهم آكسيبطاتني البنت وبديت كانهضر معاها .. كالتلي أنها كاتقرا فالباك وسميتها سامية .. كلتليها أنا سميتي أيوب وكدبت عليها ماكلتليهاش أنني كانقرا .. كلتليها بلي أنا جدارمي .. بقينا هضرة تجبد هضرة ودازت سيمانة وحنا كانهضرو.. واحد الليلة بديت كانهضر معاها وكلتليها سامية بغيت نشوفك واش عندك شي وقت غدا....
..
..
يتبع....
.
.
.
.
.


"كما تدين تدان"
..
الجـــزء الثــالث
.
.
.
.
.
.
.
.
.
.
.
.
.
.
.
كالتلي واخا.. ولكن غير 5 دقائق حدا الليسي ونمشي .. كلتليها أوكي متافقين .. كالتلي أنها خارجة ف 10 .. كلتليها واخا.. الغد ليه مشيت نشوفها وتلاقينا .. لقيتها بنت زوينة .. وهضرتها كاتطغى عليها البراءة .. المهم هضرنا غير شويا ومشات .. بالليل وأنا نتكونيكطا معاها كلتليها .. سامية بصراحة فاجأتيني قبيلة..
سامية : هه كيفاش..
أنا : ماكنتش كاننتاظرك آتكوني هاكدا .. ماشي قضية زوينة.. ولكن قضيةالبراءة لي كاتمتازي بها ما شاء الله..
هي : إوا عادي كاع البنات هاكداك ملي كايتلاقاومع شي صديق لأول مرة..
أنا : لا لا ماشي هاد الأمر .. والله أنت فشكل.. بصراحة ومابغيتش نبقى مخبيها .. مابغيتكش تبقاي مجرد صديقة .. أنا عجبتيني بزااف وبغيتك تكوني ليا..
هي : فاجأتيني بهاد الهضرة.. ماعرفت مانكوليك
أنا : لا لا مافاجأتك ما والو .. خودي وقتك وفكري على خاطرك تا أنا بغيتكتكوني ليا وأنت مقتانعة..
هي : واخا خليني نفكر.. وبالحق ملي نبغي نجاوبك راه ماشي هنا فالفايسبوك ؟؟
أنا : كيفاش ؟؟؟
..
..
يتبع.....
.
.
.
.


"كما تدين تدان"
..
..
الجــــزء الـــــرابع
.
.
.
.
.
.
.
.
.
.
.
.
.
هي : ملي غانبغي نجاوبك آآنكولك نتشاوفو..
أنا : صافي واخا إن شاء الله..
دازت يوماين وهي تكونيكطا وكالتلي غدا آجي ف5 .. أنا فرحت ووجدت راسي والنهار الآخر مشيت وتلاقيت معاها .. دارت راسها ماعلابالها بوالو .. وأنا فهمتها .. حيت كانت باغياني نعاودلها الهضرة .. وأنا نعاودلها الهضرة بطريقة أجمل من الأولى ومدحت فيها وبينت إلحاح كبير بأنني باغيها تكون ليا .. وهي تجاوبني بلي راها موافقة .. فرحت بزااف .. بقينا كانتلاقاو .. ونهار على نهار كاتولفني .. تاولات كاتبغيني .. وكادير أي حاجة على قبلي .. وكاتيق فيا بلا قياس .. واحد النهار مشالي الفايسبوك ديالي وقاديت واحد جديد .. ونسيت مابدلتش الباراميطر وخليت المير مفتوح يعني ممكن أي واحد ينشر فيه .. وهي تنشر واحد البنت كنت مصاحب معها فمدينتي وكتبات .. توحشتك أيوب ديالي جوطيم ههه .. سامية شافت المنشور وهي اتاصل بيا فالبلاصة وماعاجبهاش الحال وبدات كاتغوت .. وأنا هدنتها وكلتليها نتلاقاو غدا .. تلاقينا وكلتليها والله آآحبيبة ما عندي بها علاقة راه ملي كنت كانقرا لي تفارقت معاها وغير باغية تجبد الصداع .. أنا كانبغيك أنت إوا صافي ماتبقايش مقلقة..
سامية : إوا إلى باغيني نتيقك عطيني المو د باس د الفايسبوك ديالك....
..
..
يتبع.....
.
.
.


"كما تدين تدان"
..
الجــــزء الخـــامس
.
.
.
.
.
.
.
.
.
.
.
.
.
.
.
.
.
.
تلفت ملي كالتلي على المودباس.. وباش نتبتها كلتليها الله آودي آآحبيبة .. أصلا ماشي المود باس لي غايبينليك حبي ليك .. وعطيتها المودباس .. وملي وصلات الوقت باش نمشيو مشات هي وانا دخلت لأقرب سيبير .. ومشيت مسحت الميساجات لي كانو مع البنات وديك البنت لي من بلادي بلوكيتها وسيفطلها ميساج فالتيليفون كلتليها أن الفايسبوك تبلوكا .. صدقت ضارب جوج ضربات.. خاصني هادي ماتعيقش وتا الأخرى ماتعيقش .. حيت ملي كانرجع للبلاد هاديك هي معامن كاندوز وقتي .. المهم سامية فتحات الفايسبوك ديالي ومالقات والو.. صافي تيقات.. وزادت كاتبغيني.. ودازت الأيام ولات كاتبغيني أكثر وأي حاجة بغيتها كانلقاها .. ومع المدة وليت كانزعم نقيسها لقيتها ماكاتقاومش .. صافي لقيت الطريق مسرحة قدامي .. واحد النهار جات العطلة فلافاك وصحابي مشاو لديورهم وحنا صحاب ليسطيا ماعندناش عطلة.. بقات الدار خاوية وأنا نتاصل بسامية باش نتلاقاو.. تلاقينا وكلتليها.. حبيبة حنا خاصنا ناخدو راحتنا وراه الزنقة يشوفك شي حد من عائلتك.. دابا الدار خاوية يالاه معايا....
..
..
يتبع.....
.
.
.
.


"كما تدين تدان"
..
الجــــزء الســـادس
.
.
.
.
.
.
.
.
.
.
.
.
.
.
.
.
.
.
سامية : لا آ أيوب مايمكنش ندخل معاك للدار
أنا : وامالك الله يهديك واش ماتايقاش فيا .. واش عمري درت معاك شي حاجة خايبة ؟؟ وأصلا أنا كانحتارمك بزااف آآحبيبة ومايمكنش ندير شي حاجة تكسر هاد الإحترام..
سامية : نمشيو لأي بلاصة إلا ندخلو لشي دار..
أنا : درت راسي مقلق : حشومة عليك آسامية وزعما أنا وجدت البيت ودرت ودرتليك مفاجأة واعرة.. (كنت عارف غايوقع هاد السيناريو ووجدت البيت ورديتها رومانسية .. ههه فعايل ولاد الحرام ههه)
سامية : ماكانبغيش كاع نقلقك.. المهم أنا نمشي معاك بالحق بشرط.. غاندخل غير نشوف شنو وجدتي ونخرجو 5 دقائق فقط..
أنا : واخا آحبيبة نتنمنى يعجبك داكشي لي موجدليك..
كالتلي نشدو الطاكسي كلتليها أنا لا نتمشاو أحسن (باش نفرش الطريق بالورود) .. فالطريق بقيت غير كانتغزل بها ومدخلها فعالم آآخر .. وانت حبيبتي ومعاك باغي نعيش وبديت كانرسملها الأحلام بالوردي .. وصلنا دخلنا للبيت تفاجآت لقاتني ضومونضيت واحد الكيكة ومكتوب فيها سميتي وسميتها والشموع...
شافت داك المنظر وهي تعنقني .. صافي طلقات مني وكالتلي يالاه نمشيو.....
..
..
يتبع.....
.
.
.
.


"كما تدين تدان"
..
الجــــزء الســـابع..
.
.
.
.
.
.
.
.
.
.
.
.
.
هنا أنا خاصني نخدم الخطة الثانية.. البنت راسها قاسح وماشي ساهل تطيحها فالشبكة.. ولكن هاد النوع ملي كايطيح كاتدير فيه مابغيت.. شديتها وضمتها لصدري وبقيت كانقيس بيدي على خدها وكلتليها حشومة عليك آآحبيبة تخلي هادشي كامل وتمشي خلينا نكلسو شويا وبقيت عليها بالكلام الحلو تا قتانعات .. كلسات وبقيت عليها غير بالكلمات العذبة والعبارات الخلابة .. البنت حسيت بها نسات راسها .. وشديتلها فيدها وشفت فعينيها وكلتليها سامية كانبغيك (تا آآشمن حب راني كانوجد) .. البنت ماقدراتش تجاوب ووجها ولا أحمر .. قربت وجهي لوجهها وبستها وشفتها ماقاوماتش .. صافي وأنا نبدا .. المهم راكم عارفين التتمة كيفاش هههه .. البنت صدقات تعرات قدامي كاملة .. قضيت الغرض وجريت معاها ف6 وصلتها لليسي باش تدير راسها راه خرجات ف6 .. المهم من تما مابقيتش حاملها .. وهي ولات ديما كاتعيطلي وانا ماكانتسوقش وخاصني شي سبة نتفارق معاها وبقيت كانفكر شنو ندير....
..
..
يتبع.....
.
.
.
.


"كما تدين تدان"
..
الجــــزء الثـــامن..
.
.
.
.
.
.
.
.
.
.
.
.
.
.
كلتليها شوفي آسامية انت بنت الناس وأنا ندمت كاع علاش درت معاك داكشي .. مابغيتش نزيد نكدب عليك .. صافي حلي عينيك للواقع وماتبقايش عايشة فالأحلام .. شنو كاتنتاظري من واحد مازال غير كايقرا وتا قرايتو مامسوقلهاش .. سامية بصراحة ندمت علاش درت معاك كاع داك الأمر .. أنت عزيزة عليا ومابغيتش نطيحك فطريق خايبة .. صافي نسايني عليك .. وديها فحياتك وقرايتك أما أنا راه كاع ماكانعرف لا حب لا والو غير كانتفلا وصافي..
سامية : ياك آآ أيوب أنت هذا ؟؟؟ فين داك الكلام الزوين والحلو .. وفين ديك الأحلام كاملة..
أنا : سامية أنا غير كذاب ماعمري نويت شي حاجة زوينة كنت غير كانتفلا عليك أوصافي..
سامية ماهضراتش وسدات الفايسبوك ومشات ومع المدة لقيتها بلوكاتني .. صافي أنا تفكيت.. دازت شي أيام حسيت بالفراغ وخاصني نقلب على وحدة أخرى .. واحد النهار كنت خارج من ليسطيا وبانتلي واحد البنت عمري حسيت داك الإحساس كانت زوينة بزااف ولبااسة كاضرب غير البياس الجديد ديما .. شفتها ومشيت ليها...
..
..
يتبع....
.
.
.


"كما تدين تدان"
..
الجــزء التــاسع..
.
.
.
.
.
.
.
.
.
.
.
.
.
.
مشيت عندها..
أنا : السلام عليكم آآختي سمحيلي واحد الدقيقة نهضر معاك..
هي : شنوو..
أنا : وا قاسحة مع راسك.. ولكن بيني وبينك كايعجبوني البنات بحال هاكدا..
هي : بصاااااح (بإستهزاء)
أنا : وي بصح كاتعجبني البنت لي تكون بهاد الشخصية .. ولكن كاتكون واحد الحالة كاتضرب هادشي كامل فالزيرو...
هي : شنا هي ؟؟
أنا : ملي كاتبقا تهضر بهاد الطريقة باش كلتي بصاااح .. حيت كاتجي مبرهشة وسمحيلي على هاد المصطلح انا ماقصدتكش حيت انت باينة بعقلك غير حبذا تحيديها حيت كاتنقص من قيمتك (بشاااخ على حبذا باغي نبينلها زعما راني طولانطي ههه)
هي : آآه شكرا..
أنا : نسيت ماعرفتك براسي سميتي أيوب عندي كانقرا فليسطيا..
هي : متشرفين أنا سميتي شيماء كانقرا فديك ليكول بريفي لي حدا ليسطيا ديال ليزانفيرميي (ههه ناس الرشيدية راكم فاهمين خليوها بيناتنا هههه)
انا : متشرفين.. إوا كايبانلي راكي مزروبة .. خليلي نمرتك ولا كونط فايسبوك ديالك باش نبقاو على إتصال...
..
..
يتبع.....
.
.
.
.


"كما تدين تدان"
..
الجــزء العــــاشر..
.
.
.
.
.
.
.
.
.
.
.
.
.
.
بدون تردد جبدات التيليفون ديالها وعطاتني كالتلي قيد النمرة ديالك .. شديت الطيلي قيدت النمرة وكالتلي ها أنا نصونيلك وطلع عندك نمرتي .. والفايسبوك انا نسيفطولك فميساج بالليل .. المهم بالليل خلاتلي ميساج فيه الفايسبوك ديالها .. تعارفنا والبنت كاتكولي نتلاقاو غير فشي بلايص لي كايخصهم الصرف .. القهاوي ولي ريسطو .. المهم تلاقينا المرة الأولى وكلسنا فقهوة وأنا ضومونضيت غا قهوة وهي ضومونضات عصير .. جيت نخلص كالي أن العصير 20 درهم صدقت مخلص 25 درهم بالقهوة ديالي .. المهم كلت ماعليش غاتكون هادي أول مرة وآخر مرة .. نديرو الطريق تا لهادي باش يوصل نهارها .. المهم خرجنا من تما وبقيت كانسولها فالموضوع د المصاحبة وواش مصاحبة ولالا .. حيت دابا مازالين أصدقاء .. المهم كالتلي أنها مامصاحباش .. وانا فالبلاصة كلتليها ماغاديش نخبي عليك آآ شيماء أنا فالأول ماجيتش على أساس نكونو أصدقاء بحال الخوت..
أنا بغيت نتصاحب معاك...
..
..
يتبع.....
.
.
.
.


"كما تدين تدان"
..
الجــزء الحــادي عشر..
.
.
.
.
.
.
.
.
.
.
.
.
.
شيماء : والله ماعرفت مانكوليك .. بصراحة أنت ظريف وتستاهل ولكن عندي واحد المشكل صغير..
أنا : شنو هو ؟؟
شيماء : أنا دابا مصاحبة مع واحد الدري وبصراحة ماكانحملوش وباغية نتفارق معاه..
أنا : وا ساهلة أنا نعاونك.. واش هو بعدا عندك فليزامي فالفايسبوك
شيماء : آآه .. علاش ؟؟
أنا : إوا بالليل انا وياك نديرو أون كوبل فالفايسبوك باش يشوفها وإلى سولك كوليلو هاد الدري كانبغيه.. غير سمحليا.. (طززز باغي ندير فيها زعما واعر)
شيماء : واااو فكرة زوينة هادي
من بعد أنا مسيت فرحان حيت كلت صافي السيدة طاحت فالشبكة وأصلا هي ساهلة على سامية ومتفتحة يعني غير غانتصاحبو وندير فيها مابغيت .. المهم بالليل درنا البلان وطلعنا أون كوبل.. والنهار الآخر هضرنا وكالتلي راه تفكيت من هاداك بنادم.. أنا فرحت.. وكلتليها إوا دابا صافي ماعندك مانع .. غاتصاحبي معايا ؟؟
..
..
يتبع....
.
.
.
.


"كما تدين تدان"
..
الجــــزء الثـــاني عشر
.
.
.
.
.
.
.
.
.
.
.
.
.
.
.
.
.
.
.
شيماء : كيما كلتليك أنت ظريف وماغانلقاش أحسن منك .. ونتمنى تبقى ديما هاكدة..
أنا : صافي كانواعدك (زعما راه طيحتهاا ساعة هي لي غاديرها بيا فالأخير)
شيماء : أوكي..
أنا : واش نتشاوفو غدا فالجردة فلانية..
شيماء : آآه نتلاقاو ولكن آآشمن جردة الله يهديك.. شوف نتلاقاو فالقهوة لي كاينة قدام داك الليسي لي كلتليك كنت قريت فيه..
أنا : واخا صافي .. (القضية فيها القهوة يعني خاصني الصرف باش مانطيحش قيمتي قدامها.. وماعنديش يعني خاصني نتسلف.. فداك الوقت الدراري لي كاريين معايا يالاه شدو لابورس وتسلفت من عند واحد فيهم.. مشيت وتلاقينا تما.. وضومونضات هي كي العادة عصير .. كلت راه بحال المرة الفايتة وهاد القهوة غاتدير تا هي 20 درهم للعصير .. ملي جيت نخلص كالي 30 درهم للعصير و 10 دراهم لقهوتي انا يااا لهوي .. ضربت فيها 40 درهم.. كلت ماشي مشكل.. القادم أجمل دابا نضرب ضربتي.. جينا غاديين .. وهي تشوف واحد البوشيطة د التيليفون ديالها .. وكالتلي عجباتني ديك البوشيطة وماجبتش معايا دابا.. بغيت زعما نديرلها الخاطر.. ومشيت سولت كالي 40 درهم.. وشريتهالها.. صدقت باقيالي يالاه 20 درهم..
المهم دوزنا العشية وجيت للبيت.. لقيت الدراري كايجمعو حوايجهم كلتليهم فين غاديين كالولي راه كاينة مقاطعة شاملة فلافاك وماعندهم مايبقاو يضيعة فالوقت هنا..
أنا فرحت يعني جات الفرصة آنبقا بوحدي وغاندير لشيماء داكشي لي درت لسامية .. عيطليها وكلتليها غدا غانتلاقاو ونجيو عندي للبيت..
شيماء : صافي واخا ماشي مشكل...
..
..
يتبع......
.
.
.
.


"كما تدين تدان"
..
الجـــزء الثــالث عشر..
.
.
.
.
.
.
.
.
.
.
.
.
.
.
.
أنا صافي كلت هادي همزة هادي.. ولكن ماخاصنيش نزرب عليها من أول لقاء..
المهم جا الوقت لي تلاقينا فيه .. وجينا داخلين وكانت جاية بحرية تامة ومالقيت معاها ادنى مشكل ماشي بحال سامية .. المهم دخلنا للبيت .. وشافتها وكالتلي تبارك الله عليك راك منظمها .. وأنا نبدا عليها فالعياقة .. وا راه دوك الطلبة كانوا مرونينها يالاه مشاو وقاديتها .. وبدات عليا تبارك الله عليك وكاتبختر فالهضرة .. كالتلي واهما بعدا واش خارجالهم لابورس كلتلبها آآه .. المهم بقينا كالسين كانهضرو .. وزعمت عليها وحطيت عليها يدي .. وهي ترمى فحضني قربات وجها لوجهي ومشينا فعالم الشفتين هههه .. كانت محترفة وفشكااال .. كالي واحد الراس نزيدو للسطاج الآخر ههه ولكن كلت لا بلاش تا للقاء الجاي .. المهم بقينا هاكداك فالممارسة السطحية .. داز الوقت ووصل باش غاتمشي وكلتليها واش مسالية غدا ..
شيماء : لا عندي كونطرول فليسطيا .. تال النهار الآخر عاد خاوية العشية..
أنا : واش نتلاقاو فالنهار الآخر ؟؟...
..
..
يتبع.....
.
.
.
.


"كما تدين تدان"
..
الجـــزء الــرابع عشر..
.
.
.
.
.
.
.
.
.
.
.
شيماء : لا مانقدرش.. بابا غايجي من لافرونص وخاصني نبقا معاه راه شحال هادي ماشفتو (بشاااخ على فرنسا .. غير كدبات عليا)
أنا : آه صافي واخا..
شيماء : نعوضوها فساعة أخرى آحبيبي..
أنا : سمعت حبيبي وتلفات عليا القبلة..
المهم دازت شي أيام وهي اتاصل بيا وكالتلي نتلاقاو فالجردة فلانية .. أنا تعجبت كيفاش هادي ماكاتحملش الجرادي ومعيطالي .. المهم كلتليها واخا جا الوقت وتلاقيت معاها .. وكالتلي أيوب بغيت نكولك واحد الحاجة..
أنا : وي شنو
شيماء : أنا حاملة..
أنا : كيفاش !!! إوا ومع من دخلتي
شيماء : معاك أنت..
أنا : كيفاش معايا وأنا عمري قستك..
شيماء : شوف آ أيوب كلتليك معاك هي معاك دابا باش غاتفك أنت من هادشي وتمشي ماكاتعرفني ماكانعرفك جيبليا 5000 درهم .. وإلا غاتمشي فيها .. سحابلك راسك مطور ولا شنو..
أنا تلفت وماعرفت ماندير وخربقاتني.. بقيت كانفكر منين غانجيب هاد 5000 درهم .. ما ريال ما جوج هادي 100 ألف ريال..
بقيت كانفكر ولقيت واحد البلان منين نجيبها....
..
..
يتبع....
.
.
.
.


"كما تدين تدان"
..
الجـــزء الأخيـــــر
.
.
.
.
.
.
.
.
.
.
.
.
.
.
كلت أنني نكول للواليد راه غانخرج سطاج وخاصني الفلوس .. ولكن شفت أن 5000 درهم مستحيلة وماغايتيقهاش .. وهضرت مع سامية وكانرغبها باش تشوف معايا شي حل وعلاش كاتدير معايا هاكدا .. حسيت بلي كاع داك التخيبير والعياقة لي فيا زيرو ..
شيماء : شوف آآ أيوب الفلوس خاصهم يوجدو .. وداك النهار فاش دخلت معاك للدار كنت دايرة واحد المادة ففمي ودابا واخا تدير التحاليل غايلقاوك أنت
أنا : إوا شنو المعمول (وحاير واش هادشي بصح ولا كاتهضر خربقاتني ..) (ولكن فالأخير اكتاشفت أن هادشي غير كدوب ولعبات عليا)
شيماء : عندي ليك حل وهو لي عندك
أنا : شنو هو
شيماء : صحابك عندهم لابورس .. وراها قريبة تخرج الأخيرة وكاتكون فيها 2500 درهم يعني بجوج غايكملولك الفلوس..
المهم الدراري ماكايديوهاش فديك لاكارط د لابورس تا كاتخرج لابورس.. مشيت سرقتليهم لي كارط .. ودازت سيمانة سمعت أنه خرجات لابورس مشيت تيريتها .. وعطيت لشيماء الفلوس..
الدراري بقاو كايقلبو على لي كارط ديالهم مالقاوهمش وهما يمشيو يدكلاريو .. وترفعات دعوى .. وأنا مضبوع تيريت الفلوس بالنهار .. رجعو للجهاز وإيمتا تيراو الفلوس ورجعو بالكاميرا ولقاوني أنا .. وترفعات ضدي دعوى فالمحكمة .. تحكم عليا بالسجن 6 أشهر وغرامة مالية خلصها الواليد .. وصدقت خاسر حياتي...
..
..
النهـــــاية
..
..
العبرة : أولا ماعمرك تحاول تخدع والديك وتدير فيها مطور حيت ذنوب الوالدين خايبين بزااف .. ثانيا ماتستاغلش الطيبوبة ديال فتاة وتدير فيها مابغيت ويسحابلك راك مطور حيت غاتدور السمطة وغايجي فيك البزيم .. وأنتوما البنات ماتبقاوش تخلاو على كرامتكم من أجل الحب .. حيت إلى مشات الكرامة راكي مشيتي..
..
..
..
.
.
.
الكـــاتب