كل شخص فينا عندو واحد الجانب إيجابي فالأفكار ديالو.. كل واحد فينا عندو واحد الجانب من الرقي.. ولكن للأسف بأشياء تافهة قدرو يخربقو عقولنا ويخليونا غير بيناتنا كاندمرو نفوسنا..
..
البارح ملي حطيت منشور سولت شكون المقرئ لي كايعجبكم تسمعو القرآن بصوتو.. تما كتاشفت هاد الأمر لي كلتو فالفقرة الأولى.. بديت كانتأمل فالتعاليق.. ومن بين التعاليق لي عجبوني .. كانلقا واحد كايكولك أنا كايعجبني نسمع القرآن بصوت هاد المقرئ وكانصحكم الخوت تسمعوه عندو صوت جميل.. ولا واحد كايكول.. هاد المقرئ كانستمتع بصوتو.....
تمنيت لو أننا نشاهدو بحال هاد التعاليق ملي نهضرو مثلا على الكرة أولا على شي موضوع آآخر للنقاش ونبعدو ديما على العاطفة.. مثلا فالكرة كل واحد يبين الحب ديالو لفرقتو دون مايسب الآخر.. ونلقاو مثل هاد الهضرة.. الدراري كانصحكم تبعو هاد الفرقة اللعب ديالها نقي والله وعتدها لاعبين فالمستوى.... إلى غير ذلك.... ولا فموضوع للنقاش كل واحد يعطي رأيو ويحاول يقنع بيه الناس بطريقة سلمية بلا سبان....
..
من هادشي كامل بغيت نوصل حاجة وحدة أن الإنسان هو لي كايغير المجتمع.. ولوكان كلشي كانت عندو أفكار راقية ومالعبولناش بعقولنا وتبعنا دينا مزياان.. كون دابا رانا واصلين فين... ولكن للأسف لي الفوق ماباغييناش نوصلو ومن مصلحتهم الغباء يبقى منتشر...
.
.
.
.
.
الكـاتب
ليست هناك تعليقات :
إرسال تعليق