قصة احلام أخت معاد

قصة احلام أخت معاد..
..
___________
الجــــزء الأول
___________
.
.
.
.
.
.
.
.
.
.
.
.
.
.
.

..
.
من بعد ما ماتت أمها سكنات غير فدار جداتها وماكانش حاملة ديك العيشة حيت مرات عمها كانت خايبة بزاف .. وحتى داكشي لي خلالها باها فالورث كولشي داوه عمامها .. حيت هي وخوها الصغير لي عندهم الحق فداك الإرث ولكن خوها كان صغير ماعارفش وعمامها استاغلو الفرصة وداو كولشي .. ولكن صبرات حيت ماكان قدامها حتى بديل وإلى مشات من تما ماغاتلقا قدامها غير الزنقة .. بقات أحلام فدار جداتها وصابرة كاتسنا ان شي نهار معاد غايخرج من الحبس وغادي يخرجها من داك العداب .. بقات الأمور على داك الحال على كانت احلام ديك الساعة فعمرها 19 سنة كان عندها العام الاول ف لافاك .. بقات هاكداك تا نهار مات معاد فالحبس .. تصدمات حيت الباب الوحيد لي كانت معولة عليه تسد وحتى خوها الصغير فداك الوقت كانت 16 سنة ولا غير شمكار وخرج للزنقة وتشرد .. أحلام فداك العام لي مات فيه معاد كان فعمرها 22 سنة وكانت خدات الإجازة ديالها فداك العام نيت .. ملي مات معاد صافي مابقالها علاش تصبر فدار جداتها وللجبروت د مرات عمها .. مشات خرجات كاتقلب على خدمة ولقاتها فواحد القهوة كبيرة وكايخلصو مزيان .. خدمات تما وكرات واحد البيت مع شي طالبات .. وبقات ساكنة معاهم وكاتخدم.. وكادفع فنفس الوقت لأي كونكور بانليها .. وكاتسنا شي نهار يرجعو عليها .. واحد النهار كانت خدامة فالقهوة وبالليل سالاو بداو كايجمعو الكراسة وهي ماعلى بالها والو عادي الامور .. شوية بلا ماتحس كاتلقا شي يد شداتها من كرشها وهي دور لقاتو مول القهوة .. بغا يشدها وتنطراتلو .. وكالها بلا ماتغوتي وماعندك فين تهربي راه سديت الباب .. آجي ندخلو .. وغادي نتهلا فيك ونزيدك فالخلصة مزيــاااان....
..
..
يتبع....
.
.
.
.


قصة أحلام أخت معاد
..

الــــجزء الثــــاني..
.
.
.
.
.
.
.
.
.
.
.
.
.
.
.

بـــدات كـــاتغوت وسدلــها فــمــها .. وجا كايجرها لواحد البيت كاين تما فالقهوة .. بدات كاتقاوم وقدرات تفلت من يدو .. مشات كاتجري للباب وكاتغوت وكاتضرب الباب .. وسمعها العساس الليلي لي كايكون برا كايعس على دوك المحالات والطوموبيلات لي كايكونو تما .. جا لحدا الباب وبدا يكولها من ورا الباب شكون هنا .. وكاتغوت وا فتح وا فتح .. مول القهوة خاف لا العساس يمشي يعيط للبوليس ولا شي حاجة .. فتحلها وخرجات .. وكالو العساس آآش هادشي .. كالو سمحليا آآ سي علي غير كانت الخدمة كثيرة هاد النهار وتعطلات هنا .. العساس عارفو شنو كان باغي يدير .. خرجات ومشات للدار .. طلعات للبيت وسولوها دوك الطالبات مالك تعطلتي .. ماجاوباتهمش ومشات كاتبكي .. بقات النهار الأخر غير فالدار وكاتكول مع راسها كيفاش هاد المجتمع المجتمع غابوي بحال هاكدا .. والقوي ياكل الضعيف .. بقات كاتفكر فين غاتمشي وفين غاتخدم .. كانت تما واحد الطالبة فالسنة الثانية ودايرة نفس الشعبة لي كانت دايراها أحلام .. ومع فايتة أحلام مدوزة داكشي .. كاتعاونها وكاتفهمها الحوايج لي صعاب عليها .. وديك البنت كانت داخلة لأحلام فالقلب ومرتاحة ليها وكاتعاودلها كولشي .. وفديك الليلة كلسات معاها وبداو كايهضرو وعاوداتلها كولشي..
أحلام : عرفتي يا صاحبتي الدنيا مابقاتش كاتعجب..
نسرين : آآش وقع وكاع ماكلتيلي مالك كاتبكي وجيتي ماهضرتي مع تا واحد..
أحلام : الحمار ديال مول القهوة .. خلا تا كولشي خرج وسد الباب وكان غايدير فيا شي بة كون ماجابش الله العساس لي كايكون برا..
نسرين : بفففف .. بصراحة آآ أحلام أنا ماكنتش مرتاحة للخدمة فالقهوة .. راكي عارفة هاد المجتمع .. بنت كاتخدم فالقهوة يعني عاهرة..
أحلام : وشنو غاندير آآصاحبتي .. راه ظروفي خايبة..
نسرين : آآجي أنت عندك الإجازة واش جبتيها بميزة مزيانة ولا غير مقبول
أحلام : لا جبتها بميزة متفوقة ..
نسرين : عندي ليك واحد الإقتراح مزيان..
أحلام : أما هو هاد الإقتراح .. كوليلي
..
يتبع....
.
.
.
.


قصة "أحلام أخت معاد"
..
الجـــزء الثـــالث
.
.
.
.
.
.
.
.
.
.
.
.
.
.
نسرين : أنت عندك الإجازة سيري دفعي للماستر .. وراه كايعطيو واحد المنحة تعاوني بها .. وأنت راكي جايبة الإجازة بميزة زيانة وعندك حظوظ تقبلي..
أحلام : ولكن دابا راه فات الحال ..
نسرين : لا ما فات والو .. راه صاحبت يالاه هاد الأيام لي دفعات .. ولكن ماقبلوهاش حيت الإجازة ماجابتهاش بشي ميزة مزيانة..
أحلام : إوا هي تا انا نيت مانتقبلش
نسرهاد قلة التفاؤل .. غدا أنا ماقارياش وغانبقا معاك تا تسولي على كولشي وشنو خاصكي ديري باش دفعي للماستر
أحلام : واخا صافي إن شاء الله .. المهم دابا خاصنا نعسو .. يصبح ويفتح..
الصباح مشاو لتما وسولات كيفاش كايدفعو .. المهم دفعات ونجحات فالكتابي .. دوزات من بعد الشفوي وحتى هو نجحات فيه.. صافي بقات كاتقرا .. دوزات العام الأول وداز مزيان .. فالعام الثاني واحد النهار كالسين ب البوفيط هي وصاحبتها .. جاو واحد جوج دراري .. كالتلها صاحبتها .. هدا رشيد خطيبي وهدا صاحبو عادل عندو العام الأخير ويشد الدكتوراه ديالو فالقانون.. بقاو كالسين .. شويا أحلام بغات تنوض كالتلها صاحبتها فين غادية ماتحشميش هادو راه ولاد الناس بلا مايمشي عقلك بعيد .. شويا صاحبتها ناضت وكالتلها سمحيلي غانوض انا ورشيد بغينا نهضرو فشي حاجة خودي راحتك مع عادل وماتحشميش .. بقات كاتهضر مع عادل وتعارفو ومن بعد ولاو أصدقاء .. وعادل كان فعلا ولد الناس كان دايرها صديقة وكايهضرو غير فلافاك وماعمرو تجاوز الحدود ديالو .. الصداقة ديالهم كبرات ولاو مقربين لبعضياتهم وكايتعاودو أسرارهم.. تال واحد النهار بالليل كانت احلام كالسة وهو يجيها ميساج من عند عادل..
..
يتبع.....
.
.
.


قصة "أحلام أخت معاد"
..
الجــــزء الرابـــــع
.

.
.
.
.
.
.
.
.
.
.
.
.
سيفطلها ميساج كاليها احلام كانبغيك .. وبغيتك تكوني ليا..
أحلام ماعرفاتش باش تجاوبو .. واخا هي فالداخل ديالها كانت فرحانة حيت أصلا كانت كاتبغيه شحال هادي ومابغاتش تبينها حفاظا على كرامتها والقيمة ديالها .. عاود سيفطلها ميساج كالها مالك ساكتة..
أحلام : ماعرفت باش نجاوبك آآ عادل فاجأتيني .. المهم تال غدا ونتلاقاو ونهضرو..
عادل : واخا تهلاي تصبحي على خير .. نتشاوفو غدا أنا نجي عندك لافاك..
الغد ليه تلاقاو مشاو للبوفيط كلسو وبداو كايهضرو..
عادل : أحلام شفتك ماجاوبتينيش..
أحلام : أنا حاسة بشعورك ولكن سمحليا آ عادل أنا ماغانديرش معاك علاقة باش نبقاو كانضورو فالشوارع ولا باش بقا تكولي كاتبغيني وكانبغيك .. داكشي ما منوش..
عادل : شتي ها انت غاتقلقيني .. واش أنا هذا العام الثاني لي كانعرفك فيه وتكوليلي هاد الهضرة كون كنت غاندير شي حاجة كون درتها من شحال هادي .. أنا جيت نكوليك أنني تفوقت فالإمتحان د القضاة .. ودابا الحمد لله غانتعين قاضي .. والواليدة عاودتلها عليك .. وأنا باغي نخطبك ماشي نتفلا..
أحلام : إوا مبروك عليك ومالك خبيتي عليا وماكلتيلي لا إمتا دوزتي الإمتحان لا والو .. ؟؟
..
..
يتبع....
.
.
.


قصة أحلام أخت معاد
..
الجــــزء الأخيـــــر
.
.
.
.
.
.
.
.
.
.
.
.
.
.
..
.
عادل : كنت باغب نخليهالك مفاجآة
مشات الأيام وعادل خطب أحلام من عند جداتها .. وتزوجو دازت شي أعوام و عادل ولا قاضي معروف وكايشد قضايا كبار .. واحد النهار جاتو فبالو القضية ديال أحلام .. والورث لي داولها عمامها.. مشا كالهالها.. وفتح ملف فالقضية وكان خاصو ضروري خوها لأحلام يحضر باش كاع الإرث يرجعلهوم ويحجب كولشي على عمامو .. مشاو كايقلبو على خوها لقاو مرمي فواحد الزبالة كايتشمكرو تما .. داوه غسلولو ونقاولو حالتو وخلاوه تا فاق مزيان من التشمكيرة لي كان فيها .. عاد تما عرف أن هاديك ختو .. بدون شعور شدها وعنقها وبقا كايبكي وكالها علاش خليتيني .. بقات كاتبكي تا هي .. داوه وعاودولو كولشي .. ومن بعد داوه عند واحد الطبيب باش يعالجو ومايبقاش مدمن على داك التخبيق د التشمكير .. بقا متبع الطبيب مدة تا رجع لصحتو مزيانة .. ومشاو فتحو الملف فالمحكمة وفعلا ربحو القضية وكاع داكشي ديالهم رجعلهم.. وداك المحال ودوك الماكينات ديالهم لي شدهم عمهم رجعوهوملهم .. ورحلو داكشي كامل للمدينة لي ساكنة فيها أحلام وراجلها عادل خباوهم .. ودخلو خوها للتكوين ديال النجارة باش يتعلم ويستافد من دوك الماكينات ويعرف يخدم بيهم .. دوز التكوين ديالو مزيان وشد الديبلوم .. وفتح محال تما وولات الخدمة عندو ماشية بيخير .. ووسع المشروع ديالو وولا عايش بيخير .. وأحلام تا هي ولات عايشة مزيان مع راجلها .. المهم خوها جمع شي فلوس وشرا واحد الدار .. وقرر يتزوج وفعلا تعرف على واحد البنت وتزوجها وولاو عايشين كاملين عيشة زوينة..
..
النهـــاية..
..
..
العبرة من هادشي .. أن المظلوم ربي ديما معاه .. وحقو غادي يرجعلو طال الزمان ولا قصار..
.
.
.
.
.
.
الكــــاتب