المهم بعد ساعات جاو لقاو جوج ماتو والثالث كايلفظ آخر الأنفاس..
وفالحقيقة ماكاين لا تسرب لا والو غير كذبو عليهم .. ولكن الدماغ ديالهم بدا كايفرز واحد المواد لي كاتوهملهم أنه فعلا كاين الغاز حتى ماتو..
..
هادشي تماما لي كايوقعلنا حنا فهاد البلاد .. غرسو فينا ديك الفكرة ديال راه كولشي ولا بالمعارف والفلوس .. تا ولا الشباب راخي الحبل بشكل كبير.. ملي كايجيب الباك ولا شي شهادة كايجيبها غا فالوقت بدل الضائع وبمقبول وكاتولي مانافعة لوالو.. كاتلاح فلافاك ولا ليسطيا .. كاتبقى ثاني فنفس الأفكار وا طفروه بعدا الأوالى.. واخا نقرا ماغاندير والو... إلخ
هنا الدولة قضات غرضها .. كاتجي أنت تغوت كاتكولك آآش عندك ؟؟ شواهد ؟؟ آآه لا سمحلنا حنا طالبين معدل وأنت عندك غير مقبول..
..
فعلا راه بلادنا ماعاطياناش وإلى عندك المعارف والفلوس توصل.. ولكن بنادم مايخليش ديك الأفكار تدمرلو العقل ديالو.. وكاينين بزااف لي كاتلقاهم قادرين يعطيو ويجيبو شهادات بنقط زوينة ولكن هاد الأفكار نخرات العقول ديالهم تا مات كولشي..
لي فجهدو شي حاجة يديرها باش على الأقل ماتندمش..
دير جهدك والباقي خليه على الله هو يتصرف.. راه ربي كبير وبيدو كولشي ماشي بيد العبد..
وبهاد المناسبة بالتوفيق لصحاب الباك.. حاولو تزيروو راسكم آآخوتي وهاد النصيحة من القلب .. حاولو تجيبو الباك بشي نقطة زوينة تمشيو بها بعيد.. راه لافاك وليسطيا والله ماخدامين فهاد الوقت وبالخصوص الأدبيين.. مازال العلميين عندهم شعب كثيرة بالخصوص ف ليسطيا .. أما الأدبيين غالبا ليسطيا ماكاتلقاش فيها برونشات مسايرين للعصر .. كاتبقالك لافاك.. إلى ماكتبش الله كان الملجأ الوحيد هو لافاك حاول تعطي كل مافجهدك باش تجيب ديك الإجازة بمعدل .. راه تجيبها بمقبول ماكاين لي يتسوقلك والله..
وكنصيحة ليكم آخوتي وبحكم السنوات لي دوزتها فلافاك.. الأدبيين حاولو تختارو الشعب ديال اللغات.. يعني الفرنسية أو الإنجليزية أو الإسبانية .. هادو كايمشيو فيهم الدراري بزااف ومطلوبين والسبب هو أن الطلبة فهاد الشعب كاتلقاهم قلال.. ربما غايبانولك كثار مع الأول ولكن ماكايقدروش يكملو..
..
..
والله يسهل عليكم كــاملين آآخوتي تجيبو ديك الكريطينة وتفرحو والديكم
ليست هناك تعليقات :
إرسال تعليق