السبت، 2 يوليو 2016

البنات واللباس المزير

بواسطة : Unknown بتاريخ : 2:13 م
بنات


للنقــاش...
..
وبغيت كولشي يشــارك
..
..
علاش بعض البنات كانشوفوهوم لابسين المزير وملابس مثيرة مع العلم أن الواليد ديالها نقدرو نكولو صعيب ؟؟
..
هنا كاينين جوج حالات .. الحالة الأولى ديال البنـات لي كاتلقاها مضغوطة أكثر من اللازم وكثرة الضغط كاتولد الإنفجار .. البنت كايخليوها من صغرها تلبس لي بغات ماكايكولولها والو .. حيت صغيرة داكشي ماكايثيرش ولكن نساو أن البنت تطبعات على داك اللبس .. كاتوصل للمراهقة كايبغيو يغيروها جدريا .. خاصها تغير داك اللبس .. زعما فنظرهم هما محافظين .. المهم هي ماكاتقبلش الأمر وداك الضغط الضغط كاتنفاجر .. كاتلبس لباس محتشم فالدار .. غير كاتضرب الدورة .. كاتحيد ديك الفوقية وكاتمشي بداك التبرج .. هنا كولشي كايتعجب كيفاش هاد البنت باها داير وفاعل وتارك ومخلي بنتو هاكدا.....
..
الحـالة الثانية كاتكون بدايتها كالحالة الأولى غير هي فالمراهقة ماكاتغيرش كاتبقا نفس الحالة .. علاش ؟؟ أنتوما عارفين أن الوالدين ديما ولادهم مهما بلغو فالسن كايبانو صغار (هادشي ماغاديش تحسو بيه تا نهار ديرو ولادكم) وماكاينش هنا لي والديه ماكالولوش جملة راه مهما كبرتي كاتبقى فعيني داك الوليد الصغيور لي كانخاف عليه... المهم هما ديك النظرة كاياخدوها على طول .. والبنت كاتلبس لي بغات .. والجسد ديال البنت كايولي مثير شيئا فشيئا .. كاتولي عاطية للعين وكاثير الغريزة د بنادم ومن هنا كايجيو العلاقات غير الشرعية .. وكايجي الفسـاد .. وكايجي الإغتصـاب.....
..
..
إذن الحل راه كنا كلناه بزااف د المرات .. البنت ولا الولد راه فسن 3 / 4 د سنوات هنا كايخص تشكلو بداك الشكل لي أنت باغيه وتصنعلو واحد الجوهر فهاد السن بالذات وهاد الجوهر هو لي كايبقا ديما .. يعني ماشي تبقا تا يوصل 15 16 عاد أنت تبغي تغيرو .. كون أكيد هاد التغيير غايكون سلبي .. تماما بحال واحد العجينة .. ملي أنت كاتعجنها راك كاتشكلها كيما باغي أنت .. ولكن إلى خليتيها مدة معينة وجيتي تشكلها بطريقة أخرى راه غادي تفرتت....
..
..
أراؤكم فالموضـــوع ؟؟؟؟
.
.
.
.
.
الكـــاتب

ليست هناك تعليقات :

إرسال تعليق

جميع الحقوق محفوضة لدى | السياسة الخصوصية | Contact US | إتصل بنا

صوت الصمت +18