قصة "الكرامــة فوق كل إعتبار"
,,
الجـــــزء الأول..
..
.
.
.
.
.
.
.
.
.
.
.
رجـاء بنت كاتقرا فالسيزيام .. كـانت عايشة حياتها عادية .. ربما دارهم ماشي دوك لي نكولو متشددين .. ولكن كـانت هي واضعة حدود فحياتها .. واحد النهار وهي مكونيكطية دخلات لواحد الباج ديال واحد الفريق عزيز عليها .. هنا تلاقات مع واحد الدري عندو نفس الإنتماء وهو آجوطاها حيت لقاها بنت مدينتو .. المهم بداو كايهضرو دوك المحادثات المعروفة دالتعارف .. وبحكم هي ماعندهاش صحابات فكان هو صديقها المقرب كاتعاودلو كولشي .. دازت سنتين ولاو مدمنين على بعضهم وحاجة كبيرة أو صغيرة كايعرفوها على بعضهم وكان عاودلها أنه كان مصاحب مع واحد البنت وتفارقو.. هو واخا ولد مدينتها ماعمرو تلاقاها وكان غايتلاقا لأول مرة من بعد سنتين .. تلاقاو بصفتهم صديقين وكلسو ومن بعد مشاو بقات الأمور هاكداك تال واحد النهار كاليها رجـاء بغيت نتصاحب معاك...
..
..
يتبع.....
.
.
.
قصة "الكرامــة فوق كل إعتبار"
..
الجــزء الثــاني..
.
.
.
.
.
.
.
.
.
.
.
ملي كاليها رجاء بغيت نتصاحب معاك هي ماتردداتش حيت أصلا كـانت كاتحس من جيهتو بشي حاجة .. ولكن عمرها بينات حفاظا على الكبرياء ديالها وكرامتها تبقى الفوق .. المهم ملي كالهالها هو وافقات .. دازت مدة ولاو كاتبغيه أكثر .. وكانو ماكايخبيو على بعضهم والو .. كان عاودلها على الماضي ديالو مع واحد البنت .. وهي كـانت عارفة ديك البنت مطلوقة أكثر من القياس .. بمعنى آآخر ماشاداش راسها وطايرة من المقلة ولي تصاحب معاها كايدير معاها ما بغا .. المهم هو كالها راه نسيتها وتفارقنا وأنا دابا كانبغيك أنت آآ رجاء ومعاك بغيت نكمل حياتي .. هي كالتلو أنا ماكايهمنيش الماضي ديالك المهم تبدا صفحة نقية بعيدة على كل دلك الخبث .. واحد النهار كـان تلاقا معاها .. وكالسين شويا وغفلها بغا يبوسها وهي ترجع اللور وطلعلها الدم وكالتلو صافي يالاه نمشيو .. ماهضراتش معاه تال الليل وسيفطلها ميساج......
..
..
يتبع.....
.
.
.
.
قصة "الكرامــة فوق كل إعتبار"
..
الجــــزء الثــــالث..
.
.
..
.
.
.
.
.
.
.
.
كاليها سمحيلي وأنا ماكنتش قاصد وراه بغيت غير نجربك نشوفك واش شادة راسك ولا ولا ولكن فرحتيني ملي لقيتك بنت الناس لي فهاد الوقت قلالو وبلا بلا بلا .. المهم بقو كايهضرو تا سامحاتو .. دازت شي أيام هو مل الوضع .. وكـانت جات هضرات معاه ديك لي كـان معاها .. وجا عند رجاء كاليها راه ديك البنت هضرات معايا ولكن انا ماغانرجعش معاها انا كانبغيك أنت .. بقات الهضرة هاكداك دازت أيام وتلاقاو ثاني وجبدلها الموضوع د البوسة وهي مبغاتش .. من تما تبدل عليها .. ومابقاش مسوقلها .. من بعد إكتاشفات أنه رجع مع هاديك خيتنا....
..
..
يتبع.....
.
.
.
قصة "الكرامــة فوق كل إعتبار"
..
الجــزء الأخيـر...
.
.
.
.
.
.
.
.
.
.
.
رجـاء كرهات هاد الوضعية وتفارقات معاه .. ومع فعلا كـانت كاتبغيه ماحملاتش الديكور .. ولات كل نهار تبكي .. وماكاتنعسش وكاتفكر كيفاش الولد لي حسباتو مختالف عليهم كـاملين صدق هو لي غدرها .. كيفاش الدراري همهم الوحيد هو الشهوة ديالهم .. هاد الأسئلة كـاملة بدات كاتدورلها فراسها .. دازت أيام وبدات كاتحس بفرااغ كبير .. هنا الشيطـان دخل فالخط وبدا كايوسوسلها .. حيت ملي ماكايكونوش الصخابات لي يخرجوك الطريق كايبقا الشيطان يوسوس .. كاتجيها أفكار .. وا أنت مالك آآرجاء كـاع إلى عطيتيه بوسة شنو فيها بوسة ماتدي ماتجيب راكي كاتبغيك .. كل مرة هاكدا وكاتكول الله ينعل الشيطـان .. وكاتحاول تنسى وتقاوم دوك الأفكـار وفعلا دازت مدة والصبر ديالها مامشاش فالخاوي وحافظات على كرامتها .. دازت مدة على داكشي وجا واحد السيد لدارهم خطبها .. تفاهمات معاه ولقاتو يستاهل .. ومن بعد تزوجها .. عاشت معاه فسعـادة وماخاصها والو...
..
..
النهـــاية
..
..
.
.
.
.
.
الكـاتب
ليست هناك تعليقات :
إرسال تعليق