قصة "الحياة"

‫#‏قصة_الحياة_صوت_الصمت
...
..
حصـريا على صفحة صوت الصمت +18
سيناريو وإخراج ومونطاج وتصوير وكولشي هههه : الكـاتب
ماكياج : زينة الداودية
..
..
الجـــزء الأول
.
.
.
.
.
.
.
.
.
.
.
.
..
.
غادي تبدا أحداث القصة ديالنا مع خالد .. دري تزاد فعائلة شعبية .. كان هو وخوه الصغير هما لي عند والديه .. كان خوه صغير عليه ب 10 سنوات .. المهم بدات حياة خالد عادية كأي طفل .. عاش الطفولة ديالو كلها متعة وفرح .. خلا بها ذكريات جميلة .. ملي وصل 10 سنوات كانت الأم ديالو حاملة بخوه الصغير ولدات وفالسبوع جات العائلة وبدا كايلعب خالد مع شي دراري وطاح من فوق واحد الحيط وتهرس .. بقا شحال وهو كالس ماكايتحركش .. المهم مشات الأيام .. وبرا خالد ولا مزيان .. كان خالد فقرايتو مزيان .. واخا ماشي داك الدري لي نكولو مجهد فالقراية ولكن جايب راسو وكـان ذكي .. غير كايدير راسو فالقراية شويا كايستوعب كولشي .. بقا خالد تال السانكيام هنا تعاشر مع واحد الدري ولا هو وياه صحاب ماكايتفارقوش .. كانت سميتو سفيان .. سفيان كان ولد عائلة لاباس عليها والواليد ديالو عندو معارف صحاح .. المهم تصاحبو ولاو ديما بجوج ماكايتفارقوش .. وعاطيينها غير للشغب فديك الثانوية .. كل مرة الغياب .. تال واحد النهار الإدارة ملات من تصرفاتهم وسيفطات إستدعاء للأباء ديالهم....
..
..
يتبع...
.
.
.
.


‫#‏قصة_الحياة_صوت_الصمت
..
الجــــزء الثـــاني
.
.
..
.
.
.
.
.

.
.
.
..
.
الأب ديال خالد مسكين تكبد عناء الطريق وجا جاي لليسي .. تلاقا بالمدير .. وهو اول مرة يدخل لشي مؤسسة تعليمية ماعارف والو .. المهم كالولو أن خالد راه عيق وديما كايغيب .. وراه هذا آآخر إنذار والمرة الجاية مجلس تأديبي .. الأب تخلع وماعارف والو .. كال للمدير شنو المعمول دابا آآ سي المدير .. كالو دابا غادي تسني إلتزام وغادي يسنيه ولدك معاك يلتزم فيه بلي عمرو يعاود .. تكتب الإلتزام ووقعوه .. أما سفيان فكان يكفي الأب ديالو أنه يدور التيليفون لمدير المؤسسة .. وهضر معاه صافي وماعاودوش من تما هضرو مع سفيان .. المهم خالد ملي رجع للدار سمعو باه الهضرة مزيان .. كالو واش حنا كانشوفو فيك داك الولد المرضي لي غادي يهز علينا الحمل وأنت درتي فيا هاد الحالة وبهدلتيني ورجعتيني شفاية قدام كولشي .. بقا خالد غير ساكت .. والنهار الآخر ها هو سفيان جي كايعيطلو يمشيو يقراو .. مشاو تاق ربو لليسي وبدا سفيان شاد فالحارس المكلف بالباب .. وكال لخالد عرفتي شنو ماندخلوش هاد النهار ., نمشيو للبحر نوريلك الساطة ديالي .. كالو دابا غانتفارقو نمشي للدار نبدل من بعد ونعيطلك .. مشا خالد فطريق وسفيان فطريق .. وهنا خالد بدا كايفكر وكايهضر بينو وبين راسو وكايكول...
..
..
يتبع....
.
.
.


‫#‏قصة_الحياة_صوت_الصمت
..
الجزء الثالث..
.
.
.
.
.
.
.
.
.
.
.
.
.
.
مشا خالد وبقا كايهضر بينو وبين راسو وكايكول .. دابا أنا علاش متبع هاد خينا هذا هو راه باه ضامنلو مستقبلو وكاع مامسوق.. أما أنا آش درت فهاد الحياة غير غادي مدرم صافي خاصني نبعد عليا ها خينا ونديها فقرايتي.. مشا دخل للدار وتلاقاه باه مالك رجعتي كالو آ با راه ماقريناش .. صافي ومشا دخل لبيتو وبدا كايخمم وقرر صافي يبدل العقلية مشا دخل للدوش دوش وكلس يقرا .. شويا بدا كايصونيلو سفيان.. آلو خالد ها أنا خارج من الدار نتلاقاو فالبلاصة لي كلتليك ..
خالد : لا لا مانقدرش راني فالدار ماغاديش نجي..
سفيان : شوف شوف خطينا من هاد الهضرة راك ضروري تجي سكينة راه درت معاها نتلاقاو وعلمتها أنك غاتجي معايا.. وراك عشيري آجي نعرفك عليها..
خالد : مرة أخرى آ سفيان دابا مانقدرش..
سفيان قطع وجاي فالطريق دازلو للدار ولقاه معصب وكالو يالاه يالاه آصاحبي تفوج .. جرو وداه معاه وتما تلاقاو مع صاحبة سفيان سلم عليها خالد وخالد ساكت ورزين.. المهم مشاو وفالليل وهي تسيفط سكينة ميساج لخالد فالفايسبوك وبلا ماتآجوطيه....
..
يتبع....
.
.
.


‫#‏قصة_الحياة_صوت_الصمت
..
الجزء الــــرابع
.
.
.
.
.
.
.
.
.
.
.
.
.
.
.
سيفطاتلو ميساج وهي تكوليه بلا ماتآآجوطيني خلينا نهضرو هاكدا .. إلى سيفطليك راه غايعرف سفيان..
خالد : ولكن شنو بغيتيني وعلاش هادشي كـامل ؟؟
سكينة : بصراحة أنا ماكانبغيش سفيان .. هو واخا عندو الفلوس وماخاصو خير ولكن ماكايعرفش يواجه الحياة وماعندو تا ذرة دالمسؤولية .. أنا بصراحة حياتي ماباغياش نعيشها مع واحد حياتو كاملة غايتكل على والديه..
خالد : نقدر نتافق معاك فهادشي ولكن أنا شنو المطلوب مني دابا ؟؟
سكينة : أنا بصراحة شفتك وعجبتيني وأنت مثبت عليه وعارف آآش كادير ومن خلال هضرتك ملي كنا بثلاثة حسيت بيك ندمان وباغي تديها فقرايتك ودير مستقبل .. أنا ساهل نتفارق مه سفيان ونكون معاك..
خالد : لا مايمكنش
بقات سكينة معاه مدة تا طيحات خالد .. تا هو ما حس تا لقا راسو بلي راه وافق أنه يتصاحب معاها ويغدر صاحبو .. حيت البنت كاتبغي توصل لشي دري راه توصلو توصلو.. المهم بقاو كايتلاقاو تخبية على سفيان.. دازت المدة ولفو بعضياتهم كايخرجو ديما.. تال واحد النهار
..
يتبع....
.
.
.


‫ قصة الحياة
..
الجــــزء الـــخامس
.
.
.
.
.
.
.
.
.
.
.
.
.
.
.
تال واحد النهار كالس معاها وهي تلاح عليه تعنقة وتنطر منها وبقا ساهي كالتلو مالك كاليها .. راسي كايضرني يالاه نمشيو .. وهو ماكايضروش راسو غا دارها سبة .. رجع للدار وثاني بدا كايفكر .. وكال مع راسو آآش كاندير دابا واش بحرا لي تفاكيت من سفيان مابقاش كايكثر معايا تجي تلصقني هادي.. وهو يسيفطلها ميساج كاليها شوفي عافاك آآختي تلاقينا خوت نتفارقو خوت .. صافي أنا خاطيني هاد التخربيق ماغانقدر نوقرليك والو صافي نسايني .. بقات معاه ولكن هو ماحاملش الوضع صافي وبقا كايكوليها غير بعدي مني .. صافي تفك منها وبقا دايها فقرايتو... وسكينة بدات كاتقلب ثاني شي حاجة تبعد سفيان عليها حيت مازال لاصقها والخطة ديال أنها تصاحب مع صاحبو ماصدقاتلهاش....
..
يتبع....
.
.
.
.


قصة "الحياة"
..
الجزء السادس
.
.
.
.
.
.
.
.

.
شافت سكينة أن الخطة الثانية باش تفك من سفيان هي أنها تسيفطلو شي بنت أخرى تصاحب معاه. كانت عندها واحد بنت جيرانهم مامعاشراش معاها وبيناتهم غا السلام السلام وكانت سميتها سعاد. ماعمرها تصاحبات وكانت بنت مأدبة ومتخلقة. ولي خلا سكينة تختارها هي بالذات حيت كانت زوينة بزااف وكانت متأكدة سفيان غايشوفها غايطيح فيها. المهم بدات الخطة ديالها وبدات كاتداخل معاها وبدات كاتقرب ليها وديما كاتحاول تكون معاها وتعاودلها أسرارها.المهم دازت مدة ولاو صحابات. وهنا بدات سكينة الخطة ديالها. خدات الصورة د سعاد وفتحات كونط بسميتها وآجوطات سفيان وبدات كاتهضر بسميتها. المهم سفيان طاح فيها مسكين وتلفوه العوينات بقا كايهضر معها. المهم النهار الآخر دارت سكينة مع سفيان وهنا جابت معها سعاد. وكالت لسفيان هادي صاحبتي. ومشات. سفيان تخربق فدماغو وسكينة غادية الخطة ديالها مزيان. هنا بقا الأمر لي هو كيفاش غادير سكينة تا دخل سعاد فالقضية وتولي تعرف سفيان وإلى تلاقاو وتعاودو على الفايسبوك مايتفرش البلان
..
يتبع
.
.


قصة الحياة
..
الجزء السابع
.
.
.
.
.
.
..
.
.
.
مشات سكينة عاود ثاني فتحات كونط آخر بإسم سفيان ومادارتش صورتو باش مايتفرشلهاش البلان حيت سعاد إلى شافت الصورة غاتعرفو.. المهم آجوطاتها وبقات كاتهضر معاها بصفتها سفيان وبدات كاتعاود نفس الحوارات لي كانت دارتهم مع سفيان ملي تقمصات شخصية سعاد المهم بدات كاتهضر معاها تا صافي دخلاتها فالموضوع.. هنا غاتجي النقطة الأخيرة فين غاتجمعهم بجوج وتخرج هي.. سيفطات ميساج لسعاد بداك الكونط لي دارت بسمية سفيان وكالتليها أنا غانحيد هاد الكونط ونآجوطيك بالكونط لي داير فيه غا الأصدقاء والعائلة المهم من بعد مشات سكينة عند سعاد تلاقاتها وكالتليها راه عاودلي عليك واحد الدري وراكي عاجباه وبلا بلا بلا. وبقات عليها بالهضرة شحال من نهار تا وافقات وكالتليها ها هو الفايسبوك ديالو وآجوطاتو صافي هنا بدات علاقة سفيان بسعاد بتخطيط جهنمي من سكينة. سفيان مابقاش مسوقليها وهي هادشي لي بغات. بقات علاقة سفيان بسكينة غادية وكاتطور تال واحد النهار كاليها آجي عندي نخرجو بالطوموبيل وهنا غاتوقع الكارثة..
..
يتبع...
.
للإشارة : الأمر مافيهش الإغتصاب نهائيا هذا أمر آخر..
.
.


قصة "الحياة"
..
الجزء الثامن
.
.
.
.
.
.
.
.
.
..
.
.
خرجو بجوج ومشاو للغابة وسفيان كان كايستعمل الطوموبيل كايهز فيها الحشيش كان كايشريه عند الحرايفيا تما من بعد كايفرقو كايبيعو للبزنازة الصغار .. المهم كان هو داير فالبلان أنه غايمشي لتما ويدي سعاد لبلاصة زوينة بعيدة على الطموبيل ملي توصل الوقت غايكولها تسناي ها أنا جاي ويرجع للطموبيل يشد الحشيش.. داكشي فعلا لي دار وحط المسائل فالطموبيل ورجع عندها وكلسو كايهضرو من بعد جاو راجعين ووقفوهم البوليس ومن بعد ما فتشو ولقاو الحشيش شدوهوم ودخلات سعاد فالروينة ومالقات لي يدافع عليها ودارهم غير مصدومين تلفقاتلها تهمة المساعدة في تجارة المخدرات وضربوها بعام دالحبس وصدقات خرجات على حياتها بسباب صديقة سوء لي جراتها للهاوية ودمرات حياتها .. وسفيان تضرب ب 5 سنوات سجنا... وهاكدا كانت نهايتهم..
..
نرجعو دابا لخالد من بعد ماولا دايها فقرايتو قرر يجتاهد أكثر فأكثر وولا ديما كايحصل بعض الأساتذة وديما كايكول الحق .. بعض الأساتذة كايتضايقو منو وماكايحملوهش وكايقلبولو على السبة يطيحوه .. واحد النهار كالس فالقسم...
..
..
يتبع...
.
.
.


قصة الحيـاة
..
الجــزء التــاسع..
.
.
.
.
.
.
.
.
..
.
.
.
.
كـان كالس خالد فالقسم وكايقراو .. وكانت عندهم مادة الرياضيات .. الأستاذ بدا غير كايخربق عليهم وخالد كان متمكن من المادة وعندو أصلا معاها .. كالو آآ أستاذ هادشي لي كاتكولنا راه خاطئ وها ما كان ها ماكان وها شنو لي صحيح .. الأستاذ ماعجبوش الحال قدام التلاميذ وهو يكولو شكون دابا الأستاذ أنا ولا أنت .. آآجي كاع قري فبلاصتي أحسن.. وتزايد معاه خالد فالهضرة وهو يجري عليه .. مشا خرج للإدارة وبدا كايتناقش معاهم تما وكاليهم واش هادي دابا مؤسسة تعليمية .. كاضحكو علينا وسحابليكم حنا أغبياء .. جايبين لينا أستاذ كايضحك علينا بمعلومات خاطئة كولها .. بقا تما فنقاش مع الإدارة وخرج مشا بحالو .. الغد ليه جا داخل للثانوية وهو يتفاجأ أنهم ماخلاوهش يدخل للمادة .. وبلي الأستاذ ضربو بتقرير ديال شهر .. غايتحرم من المادة شهر وهو فالباك علمي والمادة جد مهمة والمعامل ديالها طالع.. مشا للإدارة باش يطلب الإعتذار...
..
..
يتبع....
.
.
.


قصة الحيـاة
..
الجــزء الأخير
.
.
.
.
.
.
.
.
.
.
.
.
..
.
كالوليه فالإدارة حنا ماشغلناش .. دابا بينك وبين الأستاذ .. خالد مابقا ماعارف مايدير .. وخالد من الناس لي عزيزة عليهم نفسهم بزااف وماكايحملش يحزر .. وعارف أصلا واخا يمشي لداك الأستاذ ماغاديش يقبل الإعتذار ديالو .. من بعد مشا هضر مع واحد الصديق ديالو وعاودليه البلان كـامل .. وعطاه البلان كيفاش غايدير .. وبلي ضروري خاصو يمشي للأستاذ يطلب منو الإعتذار حيت ماكاين تا حل آآخر .. ولكن خاص الوقت والمكان المناسب باش الأستاذ يعطيه وقتو.. كالو ماتمشيش ليه وسط الثانوية .. خليه تا تشوفو مشا للقهوة لي كايمشيلها ديما وتما سير بالعاني كلس حداه .. وأكيد غايسمعك وتما تمسكن عليه وأكيد غايسامحك .. وداكشي لي كـان وفعلا قدر يسامحو .. وداها خالد فقرايتو .. من تما دا الباك ديالو وقرر يكمل قرايتو فمجال المعلوميات.. وهنا كان تعرف على واحد البنت .. كانو فالأول غير أصدقــاء .. وكانت البنت عاوداتلو أنها كـانت مع واحد الولد وكاتبغيه .. وكان غير كايتفلا .. كانت غادية معاه بنيتها ولقاتو كايخونها مع صاحبتها .. قدر خالد ينسيها فداك الماضي وكان قلبو كبير .. ومع المدة لقا راسو ولا كايبغيها وكاتبغيه .. ولي خلاه يفتح قلبو هو أنها لقاها بنت صريحة وطيلة المدة د الصداقة ديالهم عرف شخصيتها مزيان .. اعتارفو لبعضياتهم بحبهم ومن بعد سنوات دالقراية خالد تخرج مهندس معلوميات .. وكـانت أول حاجة دارها هي وفى بعهدو لديك البنت ومشا جاب والديه وخطبها من بعد تزوجو عاشو حيـاة جميلة...
..
..
النهـــــاية
.
.
.



الكـاتب