قصة "الأستاذ والتلميذة"

قصة "الأستاذ والتلميذة"
..
الجـــزء الأول
.
.
.
.
.
.
.
.
..
.
.
رضوان طالب جامعي فالسنة الأخيرة باش يدي الإجازة .. رضوان كان دري كايديها فالأناقة ديالو بشكل كبير وكان دري لباس كيما كانكولو .. وكما أنه مهتم بالمظهر ديالو مزيان فنفس الشيء لقرايتو كان كايجتاهد فيها .. كان داير تخصص فيزياء .. المهم فداك العام خدا الإجازة ديالو .. ودفع للأساتذة ودوز كولشي مزيان وقدر يتفوق ويتقبل .. وعينوه فواحد المدينة صغيرة شويا .. المهم تخرج أستاذ د الثانوي .. وكانت عندو واحد الشخصية شعبية يعني مقبول عند الناس وغير يهضر معاك كاترتاحليه .. هادشي خلاه بسرعة البرق يدير بلاصتو فالليسي ويتعرف عند كولشي .. كانو التلاميذ ديالو كايحتارموه حيت كان كايحتارمهوم والغريب فالأمر أن تا دوك التلاميذ لي أصلا ديما مغيبين وعاطيينها للشغب كايدخلو عندو وملي كاتسولهوم كايكولك داك الأستاذ عزيز علينا وبسبابو ولات عزيزة عندنا ديك المادة.. المهم مشات الأيام واحد النهار جاو خارجين وكانو واحد جوج تلميذات يسرى وفدوى .. وهي تجي يسرى كالت لفدوى آآجي بغيت نهضر معاك...
..
..
يتبع....
.
.
.
.


قصة "الأستاذ والتلميذة"
..
الجــــزء الثـــاني
.
.
.
.
.
.
.
.
.
.
.
.
.
.
فدوي : وي نعم شنو بغيتي..
يسرى : شفتك أنت الحصة كاملة وأنت تشوفي فالأستاذ وزايداها كالسة فالطاولة الأولى علاه فين عمرك كلستي فيها ولا عشقتيها..
فدوى : الأخت بنت الأستاذ ولا مراتو ولا شنو شفتك باغية تاكليني..
يسرى : شوفي بعدي على رضوان أنت غا لي شفت فيه أنا تجي مزاحماني مالك على هاد الحالة واش مريضة فعقلك..
فدوى : المريضة هي انت المعقدة مادايها فيك حتى واحد وكالسة كاتلصقي فالأساتذة..
وناض الصداع وبداو كايدابزو والتشعكيك نايض تما راكم عارفين المضاربة دالبنات ههه .. المهم فدوى مسكينة لا علاقة فالمظهر ديالها ماكاتهلاش فراسها واخا كانت بنت أسرة ماخاصهم خير ولكن ماكانتش كاتعرف تلبس واخا تبانليك لابسة لباس جديد وغالي ولكن ماكاتعرفش تختار غير مدرمة وصافي .. هادشي خلا يسرى تفتح قدامها الطريق بوحدها .. وبقات كاتسنا الفرصة فين ترتابط مع رضوان .. كانت كل مرة كاتلمحليه .. واحد النهار كانو قاريين عندو من 8_10 وملي صونات 10 بقات هي بالعاني معطلة تا خرج كولشي...
..
..
يتبع.....
.
.
.


قصة "الأستاذ والتلميذة"
..
الجـــزء الثـــالث
.
.
.
.
.
.
.
.
.
.
.
رضوان كان خاصو يسد القاعة باش غايمشي لقاعة الأساتذة حيت هاديك فترة الإستراحة .. ولكن جات يسرى كالتلو أستاذ هاد التمرين مافهمتوش ومابغاتش هاد القاعدة تفهمليا .. وجات عندو للمكتب وبدا كايفهمليها .. وهي لقاتها فرصة كانت لابسة واحد اللباس معيق ومثير .. وهي بالعاني جات قدام المكتب وهو بدا كايشرح وهي مامسوقاش بدات غير كادير حركات باش ثيرو .. وفواحد اللحظة حدرات قدامو وهو يبانليه صدرها كامل .. الأستاذ مسكين تحبسات فيه الهضرة وماعرف مايكول .. وهي تستاغل ديك اللحظة بالضبط وجبدات الطيليفون وعطاتولو كالتليه هاك آآ أستاذ قيد النمرة ديالك باش ربما نكون فالدار ومانفهمش شي حاجة نصوني عليك ياك بعدا ماشي مشكل .. كاليها لا لا هانيا راني كاري غير بوحدي .. صافي هي فرحات حيت ضربات الخطوة الأولى ونجحات فيها .. صافي شدات النمرة وهي تميك زعما باش تبين أن النمرة فعلا خداتها غير إلى مافهماتش شي حاجة .. هنا الأستاذ هو لي ولا كايتسناها تصوني .. واحد الحصة جاو خارجين وعيطلها...
..
..
يتبع...
.
.
.
.


قصة "الأستاذ والتلميذة"
..
الجــــزء الرابــــع
.
.
.
.
.
.
.
.
.
.
.
..
.
جات عندو وكاليها إوا واقيلا كايبانلي راكي فاهمة ماصونيتي ما والو .. ولا ماكاتراجعيش كاع هه
يسرى : لا آ أستاذ غير مازال مابانتلي شي حاجة صعيبة..
الأستاذ : آآه مزيان.. آآجي أنت فين ساكنة..
يسرى : أنا ساكنة فحي القدس..
الأستاذ : آآو من القدس لهنا علاه مالك ماقريتي فالليسي لي حداكم..
يسرى : أنا دايرة إسبانية وفداك الليسي تا واحد مادايرها كولشي داير إنجليزية وغير أنا وشي 5 د الناس لي كنا إسبانية هذا علاش كان عندنا إختيار إما نديرو الإنجليزية إما نديرو تغيير المؤسسة هذا علاش تسجلت هنا
الأستاذ : آآه إوا مزيان واخا صعيب هاد الزين كـامل يبقا يضرب هاد الطريق كـاملة..
يسرى دارت راسها حشمات وبقات سـاكتة .. وهو يكوليها مالك حشمتي .. المهم خاصني نعرف داركم فين جات..
يسرى : علاش. ؟؟
الأستـاذ : عجبتيني بزاف وخاصني نعرف داركم..
يسرى فرحات ومشات كاتجري للدار وكالت لأمها الخبر وهي تكوليها شوفي شدي فيه شدات العمى ماتفلتيهش.. النهار الآخر مشات يسرى للأستاذ..
..
..
يتبع....
.
.
.
.


قصة "الأستاذ والتلميذة"
..
الجـــزء الخـــامس
.
.
.
.
.
.
.
.
.
.
.
.
.
جات عندو وتبدلات البنت سحابليها صافي طفراتو .. ولات كاتلبس لباس مستور الأستاذ تعجب .. كالتليه واش كاتعرف مقهى الأمل لي فالقدس .. كاليها لا عمري مشيتليها ولكن راه ملي كلتيلي الإسم راه باينة.. علاش ؟؟
يسرى : ف6 أنا غانخرج وندوز من تما وأنت تكون تما وآجي تابعني وغاتعرف الدار..
الأستاذ : آآه واخا صافي مرحبا..
داكشي لي وقع وعرف الدار وبقا عاقل عليها والنهار الآخر .. جا للدار ودق وفتحاتلو يسرى نيت وعيطات لأمها وكالتليها ها هو الأستاذ وكالتليه مرحبا مرحبا.. وكاليها يسرى فين باباك وهي تنطق الأم وكالتليه راه خدام فطنجة وماكايجي تال الصيف وفالعطلة د نصف السنة.. وكاليهم إوا صافي أنا نمشي بحالي .. كالتليه لا غير بقا.. وكالتليه شنو حب الخاطر
الأستاذ : أنا جيت على حاجة وحدة هي جيت نهضر فيسرى باش ماتعطيوها لحد وفالعطلة لي جاية غانجيب والديا.. كالتلو صافي كون هاني آآوليدي..
الأخبار انتشرت فالليسي بلي رضوان خطب يسرى وهنا غاتبان ثاني فدوى وجات لعند الأستاذ..
..
..
يتبع.....
.
.
.


قصة "الأستاذ والتلميذة"
..
الجــــزء الســـادس
.
.
.
.
.
.
.
..
.
.
.
.
..
.
جات عندو وكالتلو أستاذ بغيت نهضر معاك..
الأستاذ : تفضلي
فدوى : كادور فالليسي واحد الهضرة بلي راك خاطب يسرى ؟؟
الأستاذ : ناااري واش بهاد السرعة..
فدوى : أستاذ أنا ماكايهمنيش غير جيت باش نكولك واحد الهضرة حيت أنت عزيز علينا .. يسرى وامها معروفين خايبين وامها مطلقة من باها شحال هادي ودابا بجوجهوم كايقلبو غير فين يلصقو..
الأستاذ : آآه شكرا..
رضوان أصلا من الأول كان فاهم البلان حيت هو ماشي مكلخ تصحك عليه .. السيد قاري سواريه مزيان .. ولكن عقلو كالو انه يحدلهم عياقتهم.. ودار راسو ماعلا بالو بوالو وخلا الأمور تمشي عادي .. وبدا كايتلاقا بيسرى وكان واخد الإحتياطات .. من تما ماعاود مشا عندهم للدار .. وكانت يسرى كاتجيبلو الماكلة كان كايشك وماكايكلهاش وديما كايكوليها شي سبة .. وعيشها فالأوهام .. وكان رضوان كايوريها تصاور واحد الدار وكاليها هادي دارنا فوجدة وماساكن فيها تا واحد حيت الدار الأخرى خي فاش ساكنين البنت صافي كالت هادي هي الضحية .. وبدا كل مرة كايبينليها شي حاجة .. دازت مدة ودار راسو راه ولا كايبغيها بزااف.. واحد النهار غيب ماقراهمش وهي تشوش وصوناتلو...
..
..
يتبع...
.
.
.
.


قصة "الأستاذ والتلميذة"
..
الجــــزء الســـابع..
.
.
.
.
..
.
.
.
.
.
.
..
.
صونات عليه وكالتليه مالك ماجيتيش تقري اليوم..
الأستاذ : ههه توحشتيني ولا.. راني مريض ماقادرش نتحرك ماقديت تا نخرج للفارماشي نجيب شي دوا..
يسرى : أويلي ماتكولهااش ياك لاباس شنو عندك ؟؟
الأستاذ : فيا الرواح هلكني..
يسرى : شوف ها انا جاية عندك..
هنا غايكمل التمثيلية ديالو مزيان .. جات عندو وكلسات حداه ودارت راسها حشمانة وكاليها ماتخافيش آآحبيبتي راكي دابا تقريبا خطيبتي وقريبة تولي مراتي .. أنا مابغيت لا دوا لا والو أنا غير شوفة فيك الزين ديالي كافياني .. وكالها قربي لعندي وقربات عندو .. هي باغية تستغل هاد الفرصة باش هنا تقدر تلصق فيه حيت وصاتها أمها من قبل وكالتليها ها شنو ديري إلى لقيتي الفرصة .. جات حداه وضمها لعندو وعنقاتو وتما بدات أحداث الأكشن هههه دارت ناض رضوان وهي تشوف يسرى الدم وبدات كاتبكي وكالتلو ضيعتيني فشرفي .. وكاليها سيري دابا للدار تا نجي ونتفاهمو.. مشات للدار وهي تلقا أمها وكانت ضاحكة وكالتليها امها شفتك راشقالك آآش تما آآش وقع ياكما...
..
..
يتبع....
.
.
.


قصة "الأستاذ والتلميذة"
..
الجـــزء الأخيـــر
.
.
.
.
.
.
.
.
.
.
.
.
.
.
..
.
كالتليها آآه داكشي لي كـاين صافي دابا بقاتلنا الخطوة التالية باش غانطيحوه على خنافرو ..
الأم : ماعندي مانتسالك تربية أمك..
يسرى : شنو نديرو دابا ؟؟
الأم : غانمشيو نرفعو بيه دعوى فالمحكمة وهنا غانضربو عصفورين بحجر واحد غايعطيك تعويض وغايتزوجك بسيف عليك ..
مشاو رفعو الدعوى بالأستاذ .. ودارت يسرى راسها مجروحة وبلي تغتاصبات فشرفها وبقات كاتمثل وكاتقن التمثيل .. ولكن هيهات هيهات.. المهم وصلات الإستدعاء للأستاذ .. ومشا للكوميسارية كاليهم شنو بغيتوني .. وعاودولو السبب علاش ترفعات الدعوى .. وهو يكوليهم لا ماشي انا وانا بريء من هاد التهم ومشاو عند الوكيل وكالو رضوان أنا أصلا داك النهار كنت مريض ماكانتحركش وها هي الشهادة وها هو طلب الغياب من إدارة الثانوية .. وإلى كانت هاد البنت متيقنة بلي أنا لي ضيعتلها شرفها نمشيو للطبيب دابا .. هوما فرحو حيت كالو صافي فالطبيب غايتفرش وغايكولو انك انت هو لي مغتاصبها .. مشاو لعند الطبيب وملي خرجو النتائج .. تصدمو ههه.. كاليهم الطبيب أنت أصلا آآبنتي البكارة ديالك مشات هادي سنتين .. والبكرة لي مشاتلك دابا كانت مجرد بكرة إصطناعية وماقاسك حتى واحد هي وصلات الفترة ديالها فين غاتنتاهي الصلاحية ديالها ومشات.. وهنا الأستاذ رفع دعوى ضدهم حيت تهموه بحاجة مادارهاش باش يعوضوه.. وتفرش كولشي فالمدينة وكولشي أن ديك البنت مابقاتش بنت وبلي أمها كاتقلب غير لمن تلصقها.. والأستاذ فداك العام جاه الإنتقال ومشا وماعرفوهش آآشمن مدينة حيت هو ماشي من وجدة هو غير كان كايتلفها وماعمرو عطاها راس الخيط..
..
..
النهـــــــاية..
..
..
..
العبرة : العبرة تختصر فالمثل المغربي القائل "النازقة فالحومة كاتلالها بتنقيزة من السطح..
راه ماشي كاع الناس أغبياء...
..
.
..
رأيكم حول أحداث القصة ؟؟
.
.
.
.
.
الكــاتب