قصة "نكران الجميل"

قصة "نكران الجميل"
..
الجـــزء الأول
.
.
.
.
.
.
.
.
.
.
.
.
.
.
..
.
غادي تبدا القصة ملي يونس نجح من الكاطريام وطلع لليسي .. المهم فالليسي ناس جداد وأصدقاء جداد .. جا فواحد القسم لي كان زوين بزاف وكولشي خوت .. كان كايقرا مع يونس واحد الولد سميتو عصام .. المهم علاقتهم كانت ولد القسم أو صافي .. السلام السلام بيناتهم .. عصام كان فداك العام معاشر مع واحد الدري عاطيها غير الحشيش والشراب ومامسوقش .. عصام ماعاجبوش داكشي .. وصافي تفارق معاه .. طلعو للسيزيام .. وتما بقا كايهضر عصام مع يونس .. لقاه دري فشكل ودخلو لخاطرو .. حيت لقاه فيه المواصفات لي كايبغي .. ماعندوش مع التجمعات الخاوية ماكايكمي ما والو .. توطدات علاقتهم ماكايتفارقوش تا ولاو معروفين فالليسي كامل ولي شاف فيهم شي واحد بوحدو كايكولو فين هو النص الأخر ديالك .. المهم يونس جاب مزيان فالجهوي ولكن عصام لا.. وفكر يسمح فالقراية ومايكملش الباك..
..
..
يتبع....
.
.
.


قصة "نكران الجميل"
..
الجــــزء الثـــاني
.
.
.
.
.
.
.
.
.
.
.
.
..
.
يونس سمع ديك الهضرة وماعجبوش الحال .. ومشا عند عصام كالو واش أنت مريض آآصاحبي واش باغي تخرج دير تا نيفو باك مايتحسيلكش .. شوف غير كمل وإن شاء الله الباك غادي تجيبو بجهد الله .. حمسو يونس وكالو غاتدي الباك ماتحطمكش هاد النقطة د الجهوي .. عصام تراجع على القرار ديال الخروج وقرر انه يكمل .. يونس شويا لاباس عليه فالقراية وكان كايجيب نقط مزيانة .. طلعو للباك والفروض كاملين كايوريه ديما جايبين نقطة مزيانة يونس جاب 15 و عصام جاب 14 لأول مرة كايجيبها فحياتو .. فالوطني بدا الإمتحان ويونس كان مابعيدش على عصام بيناتهم غير جوج طاولات .. عصام ماكايكتب والو ويونس بدا فالكتابة .. ملي سالا دار مغامرة كبيرة من أجل يونس .. كمل الأجوبة وعمر الورقة وكتب سمية عصام فيها .. وخلا تا غفل الأستاذ وعطاها لعصام .. وطلب يونس ورقة أخرى وعاود ثاني كولشي من جديد.. المواد كاملين دار معاه هاكداك من غير الإنجليزية حيت حتى يونس ماكانش عندو معاها بزاف .. خرجو النتائج ومشاو يشوفو شنو دارو...
..
يتبع
.
.
.


قصة "نكران الجميل"
..
الجـــزء الثـــالث
.
.
.

.
.
.
.
.
.
.
.
.
..
.
مشاو للنتيجة ولقاو راسهم بجوجهم ناجحين وفرحو وكال يونس لعصام ياك كلتليك ماتفقدش الأمل .. المهم طلعو لافاك وسكنو فشومبر وحدة فالحي الجامعي .. فات شي أيام ف لافاك داكشي ماعجبهومش وديك الأجواء ماعجباتهمش .. عصام قرر يدير دبلوم د لانفورماتيك فواحد المدرسة خاصة ب 700 درهم فالشهر .. فعلا والديه وافقو حيت عندهوم ديك الإمكانيات المادية .. دخل عصام لديك المدرسة ومابقاش كايعمر مع يونس كاع .. دار صحاب جداد وحس يونس أنه كايحشم ب عصام ملي كايكون مع هادوك الأصدقاء .. حيت كولهوم ولاد الفلوس .. عصام كيما كاتعرفو من أيام الليسي كان مجلج .. وكل ماتلاقاو بالليل فالشومبر كايبقا يونس هو لي يوري لعصام ويفهمو .. واخا هو عمر شي حد قراه داكشي فقط مرة مرة كايتعلم شي حوايج ملي كايمشي للسيبير وكايبدا يقلب وملي كان فالكوليج كان كايدير داكشي تا ولا لاباس عليه فلانفورماتيك واخا ماعمرو قرا فمدرسة خاصة ولا ستة حمص .. المهم كايفهم لعصام وباغيه يجيب داك الدبلوم وفرحانلو واخا هو ماسمحاتلوش ظروفو تا هو يدير شي مدرسة .. المهم داز داك العام وفالعام الثاني لي هو آخر عام لعصام ياش يجيب الدبلوم....
..
..
يتبع....
.
.
.
.


قصة "نكران الجميــل"
..
الجـــزء الأخيــــر
.
.
.
.
.
.
.
.
.
.
.
.
..
.
صافي مشا خرج من الشومبر ومابقاش مع يونس ومابقاش كايتجمع معاه بمرة .. يقدر يكون هو وصحابو ويشوف يونس ويدير راسو ماشافوش باش مايحشموش قدام صحابو.. فداك العام ديك المدرسة لي كايقرا فيها عصام باعها مولاها لإنسان آآخر .. هوما جاتهم الأمور عادي .. يعني ماتبدل والو مجرد مالك المدرسة تبدل أوصافي.. أما الأساتذة والمرافق د المدرسة راه هوما هوما .. عصام زاد هز كتافو وحس براسو بزاف مابقاش كاع كايخسر تا سلام على يونس وديما كايبقا يبان فالفايسبوك بالتصاور مع صحابو فالمدرسة وكل مرة ها هوما فين .. وكايكتب عليهم تعليقات كايعني بيهم على يونس وبلي غاتبقا ف لافاك تا تموت عمرك دير شي حاجة وبزاف د التخربيق..
المهم سالا العام ودا عصام داك الدبلوم .. فأول شركة مشا يدفعلها باش يخدم كالولو أصلا هاد الدبلوم مادايزش وهاد المدرسة غير معترف بها وماعندهاش رخصة حيت الرحصة ديالها تلغات العام لي فات (حيت نهار باعها مولاها هاداك لي شراها أصلا ماعاودش الوراق من جديد) وولات المدرسة مامعتارفاش بها الدولة..
وبهاكا عصام خسر عاماين من حياتو وخسر أجمل صديق لي ماعمرو يلقا بحالو..
..
..
النهـــــاية..
..
..
بحال عصام كثااار فهاد المجتمع .. وماعمرك تخلي الفلوس يرجعوك متكبر وتنسى صحابك.. راه لي تعنى بالقوة كايموت بالضعف..
.
.
.
.
الكــــاتب